Padčas udaru Storm Shadow pad Kurskam byŭ paranieny paŭnočnakarejski hienierał — The Wall Street Journal
Vydańnie The Wall Street Journal, spasyłajučysia na zachodnich aficyjnych asob, paviedamiła, što padčas niadaŭniaha ŭdaru pa kamandnym punkcie rasijskich vojskaŭ u Kurskaj vobłaści, upieršyniu ździejśnienaha pry dapamozie brytanskich rakiet Storm Shadow, byŭ paranieny vysokapastaŭleny hienierał armii KNDR.
Zachodni čynoŭnik nie raskryŭ, jak mienavita hety hienierał byŭ paranieny, ale vydańnie adznačaje, što heta pieršy vypadak, kali zachodnija aficyjnyja asoby ŭvohule paćvierdzili, što vysokapastaŭleny paŭnočnakarejski vajskoviec staŭ achviaraj rasijska-ŭkrainskaj vajny.
Pradstaŭnictva Paŭnočnaj Karei pry AAN pakul nie adkazała na prośbu The Wall Street Journal adnosna kamientara.
Pa słovach ukrainskich i zachodnich aficyjnych asob, u sieradu Ukraina vypuściła pa terytoryi Kurskaj vobłaści nie mienš za 10 rakiet Storm Shadow, pastaŭlenych Vialikabrytanijaj. Udar nanosiŭsia pa rajonie histaryčnaj siadziby ŭ pasiołku Marjina, dzie znachodzicca sanatoryj kiraŭnika spraŭ prezidenta Rasii. Miarkujecca, što tam moh znachodzicca zahłybleny kamandny punkt, jakim karystajucca rasiejskaje i paŭnočnakarejskaje kamandavańnie.
Infarmavany telehram-kanał «Dośje špiona» siońnia paviedamiŭ, što padčas udaru zahinuli 18 vajskoŭcaŭ, jašče 33 atrymali ranieńni. Siarod paranienych kanał nazvaŭ troch vajskoŭcaŭ z KNDR — dvoje mužčyn ź ciažkimi ranieńniami i adna žančyna-miedyk ź lohkim.
Pradstaŭnik Rady nacyjanalnaj biaśpieki ZŠA Džon Kirbi raniej zajaŭlaŭ, što lubyja paŭnočnakarejskija vojski, jakija buduć vajavać z Ukrainaj, stanuć «sumlennaj hulnioj i sumlennymi celami» dla ŭkraincaŭ.
Sa słoŭ Uładzimira Pucina ŭ jahonym viačernim videazvarocie, atakavany byŭ adzin z kamandnych punktaŭ rasijskaj hrupoŭki «Poŭnač». U vyniku ataki jość, maŭlaŭ, zahinułyja i paranienyja ź liku asabovaha składu padraździaleńniaŭ źniešniaj achovy abjekta i absłuhovaha piersanału, ale kamandny i apieratyŭny skład punkta kiravańnia nibyta nie paciarpieŭ i «ažyćciaŭlaje ŭ štatnym režymie kiraŭnictva dziejańniami našych vojskaŭ».
Pucin zajaviŭ pra ŭdary pa Ukrainie novaj zbrojaj, jakaja «nie pierachoplivajecca»
Stała viadomaja kolkaść zahinułych paśla pieršaha ŭdaru rakietami Storm Shadow pa terytoryi Rasii
Storm Shadow siońnia mahli ŭdaryć pa histaryčnaj siadzibie na Kurščynie, dzie raźmiaščaŭsia rasijski kamandny punkt
USU ŭpieršyniu ŭdaryli pa Rasii brytanskimi rakietami Storm Shadow
Le Figaro vydaliła infarmacyju, što Francyja i Vialikabrytanija dazvolili Ukrainie bić dalnabojnymi rakietami
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich22
Kamientary