Samaloty, jakija laciać pa Polščy kala biełaruskaj miažy, abaviazali być «bačnymi i čutnymi»
U cyvilnych samalotaŭ, jakija pralatajuć nad rajonami uschodniaj Polščy, pavinny być uklučanyja transpondary (samalotnyja radyjołakacyjnyja adkaźniki) i aŭdyjosuviaź. Pra heta paviedamiŭ pres-sakratar apieratyŭnaha kamandavańnia Uzbrojenych sił Polščy padpałkoŭnik Jacak Haryšeŭski.
![](http://nnexpictures.fra1.digitaloceanspaces.com/img/w732d4webp1/photos/z_2024_02/640px-cessnaarc-rt-359atransponder04-3rcxd.jpg.webp)
«My chočam ich bačyć i čuć», — skazaŭ Haryšeŭski. I dadaŭ, što rajony ŭschodniaj Polščy patrulujucca vajskovymi viertalotami i dronami.
Novyja patrabavańni ŭviali ŭčora, 5 lutaha, jany dziejničajuć da 5 maja.
Za dzień da taho, 4 lutaha, apieratyŭnaje kamandavańnie US Polščy i ahienctva aeranavihacyi raspaŭsiudziła papiaredžańnie, jakoje tyčycca palotaŭ va ŭschodniaj častcy krainy — uzdoŭž miežaŭ ź Biełaruśsiu, Rasijaj i Ukrainaj. Papiaredžańnie było źviazana z mahčymaj «niezapłanavanaj vajennaj dziejnaściu».
Kamientary