Tyktok abmiarkoŭvaje kanflikt u maršrutcy: kiroŭca pačaŭ vyhaniać dziaŭčynu, jakaja apłaciła prajezd
Błohierka z Bresta raspaviała ŭ tyktoku pra niepryjemny vypadak i paprasiła paradaŭ. Historyja pra toje, jak kiroŭca zapatrabavaŭ vyjści z maršrutki ŭ žančyny, jakaja ŭžo apłaciła prajezd, za sutki nabrała bolš za paŭmiljona prahladaŭ i vyklikała aktyŭnuju dyskusiju.
Dziaŭčyna, jakuju zavuć Nastaśsia, na dniach dvojčy patrapiła ŭ niepryjemnuju situacyju ŭ adnoj i toj ža maršrutcy.
— Zachodžu ja ŭ maršrutku, baču adno volnaje miesca. Dumaju: «Cudoŭna!». Stanaŭlusia i pačynaju apłačvać prajezd. Apłaciła, pavaročvajusia i baču, što heta miesca ŭžo zaniataje. I kiroŭca ahučvaje, što stojačy nikoha nie paviazie.
Maršrutčyk staŭ patrabavać, kab Nastaśsia vyjšła z transpartu. Ale ž jana ŭžo apłaciła prajezd, u adroźnieńnie ad žančyny, jakaja chucieńka skarystałasia momantam i sieła na kresła.
− Ja kažu, što apłaciła i nikudy nie pajdu. Žančyna ź inšaha kanca maršrutki kryčyć: «Ja nikudy nie pajdu, ja ŭžo sieła!». Kiroŭca taksama pačaŭ kryčać, kab ja vychadziła chutčej, bo dalej tam niechta staić (miełasia na ŭvazie, što ŭ hety dzień u horadzie prachodzili rejdy: praviarali, nakolki maršrutčyki vykonvajuć praviły — «NN»).
Dapamahła Nastaśsi žančyna, jakaja siadzieła pobač. Jana skazała, što vyjdzie na nastupnym prypynku, i dziaŭčyna zmoža zaniać jaje miesca — a ŭžo adzin prypynak možna prajechać i stojačy.
Praz paru dzion błohierka znoŭ jechała ŭ toj samaj maršrutcy. Na hety raz volnych miescaŭ było šmat: pasažyrak było ŭsiaho dźvie — Nastaśsia i jašče adna žančyna, jakaja addała kiroŭcu hrošy i pajšła zajmać miesca. Pakul błohierka adličvała nieabchodnuju kolkaść maniet za siabie, kiroŭca pačaŭ na jaje kryčać — jon chacieŭ, kab dziaŭčyna chucieńka pieradała reštu pieršaj pasažyrcy.
− Jon kryčaŭ «Chutčej, u mianie času niama!». Ja addała jamu hrošy za siabie, zabrała čužuju reštu, kab pieradać jaje žančynie. A potym dumaju: a jakoje ja dačynieńnie maju da tych hrošaj? Heta ž jaho praca — raźbiracca z apłataj. Navošta ahresiravać na čałavieka, jaki nie maje dačynieńnia da hetaj situacyi? Ja tak zrazumieła, što hety kiroŭca ŭ pryncypie nie ŭmieje pavodzić siabie adekvatna.
Videa pra kanflikty ŭ maršrutcy nabrała bolš za 550 tysiač prahladaŭ i 17 tysiač łajkaŭ. I, kaniečnie ž, vyklikała aktyŭnuju dyskusiju. Šmat chto pačaŭ pryhadvać svaje historyja, źviazanyja z servisam u biełaruskich maršrutkach. A niechta pažartavaŭ, što ŭ dziciačych sadočkach nievypadkova robiać hulni, dzie kresłaŭ mienš, čym udzielnikaŭ, i treba chutka zaniać miesca — usio heta rychtuje da darosłaha žyćcia.
Čytajcie taksama:
Minskaje DAI za try dni aštrafavała 133 maršrutčykaŭ
U Śvietłahorsku pjany kiroŭca kiravaŭ maršrutkaj, poŭnaj ludziej
«Stamiŭsia prybirać sałon». Kiroŭcy aburylisia pierakusam pasažyraŭ u maršrutkach
Kamientary