4 sakavika adśviatkavała svoj 117-y dzień naradžeńnia Maryja Brańjas Marera — žycharka Ispanii, pryznanaja na hety momant samym starym čałaviekam na Ziamli z tych, čyj uzrost paćvierdžany aficyjna.
Maryja Brańjas Marera z 2000 hoda žyvie ŭ domie sastarełych u katałonskaj Žyronie. Jana dačka žurnalista z Pampłony, a naradziłasia 4 sakavika 1907 hoda ŭ amierykanskim San-Francyska.
Paśla siamja viarnułasia na radzimu, u Ispaniju, ale padčas padarožža baćka Maryi zachvareŭ na suchoty dy pamior, sama ž jana ahłuchła na adno vucha. Padčas Hramadzianskaj vajny ŭ Ispanii žančyna pracavała miedsiastroj, ale bolšuju častku žyćcia była chatniaj haspadyniaj.
U Maryi Brańjas Marera troje dziaciej i 11 unukaŭ, pryčym jana pieražyła svajho starejšaha syna Aŭhusta, jaki zahinuŭ u avaryi.
Na hety momant žančyna zajmaje 12-je miesca siarod najstarejšych ludziej za ŭsiu historyju. Da suśvietnaj dziasiatki joj zastałosia pražyć nie tak i šmat — usiaho 63 dni. U takim vypadku jana dahonić pamierłuju jašče ŭ 1992 hodzie amierykanku Dełfiju Viełfard, jakaja zajmaje dziasiataje miesca ciapier. A voś da absalutnaha rekordu pakul vielmi daloka: jon naležyć francužancy Žanie Kalman, jakaja pražyła 122 hady i 164 dni, a pamierła 4 žniŭnia 1997 hoda.
Daloka, bolš za dva hady, Brańjas Marera pakul i da rekordu najstarejšaj žančyny, jakaja naradziłasia ŭ ZŠA: Sara Nos, pamierłaja ŭ 1999 hodzie, pražyła 119 hadoŭ i 97 dzion. A voś najstarejšaj viadomaj na siońniašni dzień doŭhažycharkaj siarod ispanak žančyna źjaŭlajecca ŭžo amal hod: jaje asnoŭnaja kankurentka Ana Vieła Rubia pamierła 15 śniežnia 2017 hoda va ŭzroście 116 hadoŭ 47 dzion.
102-hadovaja žančyna ŭspomniła pra hady vajny, dy nie ŭličyła ideałohii. Jaje papraviŭ 74-hadovy kamunist
Dažyć da 120 moža stać mahčymaj pierśpiektyvaj
Pamierła Tekla Junievič — najstarejšy čałaviek našaha rehijona za ŭsiu historyju
«Pryjšli i davaj pa-niamiecki hamanieć». 99-hadovaja žančyna z Čarnihaŭščyny raskazvaje pa-biełarusku pra svajo žyćcio
Kamientary