Častka pieratrusaŭ była sankcyjanavanaja Lefortaŭskim sudom Maskvy pa art. 275 KK RF (dziaržaŭnaja zdrada).
U Rasii ranicaj u aŭtorak pačalisia masavyja pieratrusy ŭ mastakoŭ i aktyvistaŭ, jakija, mahčyma, źviazanyja z kryminalnaj spravaj Piatra Viarziłava. Na mastaka-akcyjanista i byłoha vydaŭca «Miedyjazony» mahli zavieści spravu ab dziaržzdradzie, piša Bi-bi-si.
Ranicaj u aŭtorak mastačka Katryn Nianašava i aktyvistka Nataša Čaćvierya paviedamili, što ŭ ich kvateru ŭ Pieciarburhu pryjšli siłaviki.
Paźniej stała viadoma, što pieratrus prachodzić va ŭdzielnikaŭ art-hrupy «Jav», va ŭdzielnicy Pussy Riot Marharyty Kanavałavaj (Ryta Fłores), a taksama ŭ maci Viarziłava.
Pa źviestkach «Sietkavych svabod», va Uljanaŭsku paśla pieratrusu zatrymali mastaka Illu Chołtava; mastaka Illu Mazhi ź Jekaciarynburha paśla pieratrusu pavieźli na dopyt; u Maskvie znajomuju mastaka Philippenzo siłaviki zabrali z kvatery.
Častka pieratrusaŭ była sankcyjanavanaja Lefortaŭskim sudom Maskvy pa art. 275 KK RF (dziaržaŭnaja zdrada).
Viarziłaŭ z 2020 hoda žyvie pa-za miežami Rasii. U pačatku kastryčnika 2023 h. vyjšła jaho intervju Juryju Dudziu, u jakim Viarziłaŭ raspavioŭ ab svaim udziele ŭ bajavych dziejańniach na baku USU. Paśla hetaha jon pierastaŭ być vydaŭcom «Miedyjazony».
Na Viarziłava zavodzili spravu ab «vajennych fejkach» i zavočna prysudzili da vaśmi z pałovaj hadoŭ kałonii. Napiaredadni, 11 sakavika, Masharsud admianiŭ prysud i adpraviŭ spravu na novy razhlad z-za pracesualnych parušeńniaŭ. Nahodaj dla spravy ab «vajennych fejkach» stali dva tvity i dva dopisy ŭ instahramie z raspoviedam pra zabojstvy mirnych žycharoŭ ukrainskaj Bučy.
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im8
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant31
Kamientary