Makron: Nie moža być praciahłaha miru, kali nie budzie viartańnia da mižnarodna pryznanych miežaŭ Ukrainy z Krymam uklučna
Prezident Francyi zajaviŭ, što jahonaja kraina robić usio mahčymaje, kab dapamahčy Ukrainie atrymać pieramohu nad Rasijaj u poŭnamaštabnaj vajnie.
Jon padkreśliŭ, što bieź viartańnia da mižnarodna pryznanych miežaŭ Ukrainy, uklučajučy Krym, praciahłaha miru nie budzie. Pra heta jon paviedamiŭ 14 sakavika ŭ intervju TF1 i France 2.
«Siońnia Rasija, biezumoŭna, źjaŭlajecca praciŭnikam. Kramloŭski režym źjaŭlajecca praciŭnikam. Jak ja zaŭsiody kazaŭ, my nie viadziem vajnu suprać Rasii i rasijskaha naroda, i my padtrymlivajem Ukrainu. My robim usio mahčymaje, kab dapamahčy Ukrainie atrymać pieramohu nad Rasijaj, bo ja skažu vielmi prosta: nie moža być praciahłaha miru, kali nie budzie suvierenitetu, kali nie budzie viartańnia da mižnarodna pryznanych miežaŭ Ukrainy, uklučajučy Krym», — padkreśliŭ Makron.
Adnosna eskałacyi vajny Rasijaj prezident Francyi adznačyŭ, što Jeŭropa pavinna być hatovaja da hetaha.
«Kali situacyja pahoršycca, my pavinny być hatovyja i budziem hatovyja», — adznačyŭ jon.
U toj ža čas Makron dadaŭ, što ŭ vypadku pieramohi RF u vajnie suprać Ukrainy, palaki, litoŭcy, estoncy, rumyny i bałhary nie buduć žyć spakojna.
«Ja ŭžo nie kažu pra Małdovu, jakaja siońnia nie źjaŭlajecca členam Jeŭrapiejskaha Sajuza, ale jakaja ŭ lubuju siekundu apynułasia b pad pahrozaj», — udakładniŭ jon.
Francuzski lidar adznačyŭ, što ŭ vypadku pieramohi Rasii, davier da Jeŭropy budzie źviedzieny da nula.
«Jakim budzie davier na našaj ziamli da mahutnaha Jeŭrapiejskaha Sajuza tych jaho členaŭ, jakija dazvolili hetamu zdarycca?!»— zaŭvažyŭ Makron.
Makron hatovy pasłać vojski va Ukrainu ŭ vypadku kali Rasija pojdzie na Adesu ci Kijeŭ
Francyja padpisała abaronnuju damovu z Małdovaj na fonie pahroz z boku Rasii
Makron u Prazie zaklikaŭ jeŭrapiejcaŭ «nie być bajaźliŭcami»
Čym Pucin davioŭ Makrona?
«Prezident Zialenski hetaha nie prosić». U ZŠA adreahavali na zakliki Makrona
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary