Što za piacizorkavy hatel, u jakim trahična abarvałasia žyćcio Kanstancina Kalcova?
Zabraniravać numar dla adnaho čałavieka na noč kaštuje ad 1483 da 3600 jeŭra.
Eks-chakieist Kanstancin Kalcoŭ, bojfrend tenisistki Aryny Sabalenka, u Majami saskočyŭ z bałkona raskošnaha The St. Regis Bal Harbour Resort. Što heta za hatel?
«Naš raskošny hatel, jaki ŭzvyšajecca na 27 pavierchaŭ nad fiešeniebielnym Kolinz-avieniu i cudoŭnym plažam ź biełym piaskom, znachodzicca na styku mastactva, mody i dyzajnu», − paviedamlajecca na sajcie The St. Regis Bal Harbour Resort. Hatel upryhožvaje kalekcyja tvoraŭ mastactva miascovych i mižnarodnych mastakoŭ.
Znachodzicca hatel za 24 kiłamietry ad aeraporta Majami. Miesca heta darahoje i pafasnaje: sučasnyja numary aformleny dyzajnierami studyi Yabu Pushelberg. Z mnohich apartamientaŭ adryvajecca šykoŭny vid na akijan.
U The St. Regis Bal Harbour Resort pracuje vielizarny spa-centr z 11 pracedurnymi kabinietami, finskimi saŭnami i paravoj łaźniaj z aromaterapijaj. U fitnes-centry, dzie pravodziać hrupavyja zaniatki johaj i piłatesam, kardyjo-treniroŭki, možna padčas treniroŭki lubavacca chvalami.
Hości hatela mohuć naviedać čatyry restarany, raźmieščanyja na jaho terytoryi.
Na sajcie booking.com piacizorkavy hatel maje rejtynh 8,1. Zabraniravać tut numar dla adnaho čałavieka na noč kaštuje ad 1483 da 3600 jeŭra.
Darečy, sama Aryna Sabalenka maje dva asabniaki ŭ Fłarydzie. Adzin znachodzicca ŭ horadzie Sanrajz, druhi ŭ Dełrej-Bič — heta za 50 i 80 kiłamietraŭ ad Majami adpaviedna.
Paviedamlałasia, što Kanstancin Kalcoŭ prylacieŭ, kab padtrymać kachanuju padčas Miami Open. Pieršapačatkova ŭ ŚMI była infarmacyja ab tym, što paśla trahiedyi biełaruskaja tenisistka admoviłasia ŭdzielničać u spabornictvach. Adnak zaraz stała viadoma, što jana ŭsio ž vyjdzie na kort, ale nie budzie ŭdzielničać u pres-kanfierencyjach paśla matčaŭ.
«Vidavočny suicyd». Palicyja Majami prakamientavała śmierć Kanstancina Kalcova
Zahinuły chakieist Kalcoŭ kinuŭ siamju z tryma dziećmi i pačaŭ jarki raman z Arynaj Sabalenka — voś hetaja skandalnaja historyja
Dźvie trahiedyi Sabalenki. U 42 hady pamior bojfrend tenisistki, a da hetaha amal u takim ža ŭzroście — jaje baćka
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?3
Kamientary
asabniaki ŭ Fłarydzie. Adzin znachodzicca ŭ horadzie Sanrajz, druhi ŭ Dełrej-Bič" - Što ŭ jaje z patryjatyzmam, ha? Niejkaje nizkapakłonstva pierad zachodnimi kaštoŭnaściami! Kudy hladziać
idejołahi?