Ukraina straciła ŭžo bolš za 40% terytoryi, jakuju kantralavała ŭ Kurskaj vobłaści
Pra ciapierašni stan z kantrolem USU rasijskich terytoryj u Kurskaj vobłaści ahienctva Reuters paviedamlaje sa spasyłkaj na vysokapastaŭlenuju krynicu ŭ Hienštabie Ukrainy.
«Ciapier my kantralujem kala 800 kvadratnych kiłamietraŭ. My budziem utrymlivać hetuju terytoryju da taho času, pakul heta budzie apraŭdana z vajennaha punktu hledžańnia», — paviedamiła krynica.
Maksimalnaja kolkaść terytoryi Kurskaj vobłaści, kantralavanaj ukrainskimi vajskoŭcami, składała 1376 kvadratnych kiłamietraŭ.
Surazmoŭca ahienctva skazaŭ, što Rasija z momantu nastupleńnia USU na Kurskuju vobłaść pierakinuła ŭ rehijon kala 59 tysiač vajskoŭcaŭ. Pavodle jaho słoŭ, dla padtrymki rasijskaj armii siudy prybyli i kala 11 tysiač paŭnočnakarejskich vajskoŭcaŭ, adnak asnoŭnaja častka ich siłaŭ usio jašče zaviaršaje padrychtoŭku.
10 listapada vydańnie The New York Times paviedamiła, što Rasija sabrała ŭ Kurskaj vobłaści 50 tysiač vajskoŭcaŭ, u tym liku z KNDR. Pavodle danych vydańnia, jany źbiralisia pačać nastupleńnie ŭ najbližejšyja dni.
Pryviedzienyja krynicaj Reuters acenki terytoryi, jakija zastajucca pad kantrolem USU, adpaviadajuć acenkam OSINT-analitykaŭ płoščy ŭsioj zony bajavych dziejańniaŭ u rasijskim rehijonie.
Pavodle danych ukrainskaha OSINT-prajekta DeepState, ukrainskija vojski realna kantralujuć u Kurskaj vobłaści navat mienšuju terytoryju, čym aceńvaje krynica Reuters — 571 kv km. Ale pry hetym ahulnaja zona bajavych dziejańniaŭ u rehijonie (razam z «šeraj zonaj», jakuju nie kantraluje nivodzin z bakoŭ) adpaviadaje acency surazmoŭcy ahienctva (800 kv km).
Pucin zajaviŭ pra pačatak sieryjnaj vytvorčaści «Arešnikaŭ»
Padčas udaru Storm Shadow pad Kurskam byŭ paranieny paŭnočnakarejski hienierał — The Wall Street Journal
Stała viadomaja kolkaść zahinułych paśla pieršaha ŭdaru rakietami Storm Shadow pa terytoryi Rasii
Storm Shadow siońnia mahli ŭdaryć pa histaryčnaj siadzibie na Kurščynie, dzie raźmiaščaŭsia rasijski kamandny punkt
«Heta kardynalna mianiaje ŭvieś raskład u viadzieńni bajavych dziejańniaŭ». Što Z-błohiery dumajuć pra ŭdary ATACMS pa Rasii?
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich22
Kamientary
Hałoŭny pośpiech apieracyi toje što z Kurskaj Narodnaj Respubliki źbiehła kala 200 tys. žycharoŭ na maskoviju. Dla ich vajna z zombaskryni pierajšła ŭ realnaje žyćcie i čym bolš takich maskavitaŭ budzie stavać, tym chutčej skončycca vajna.