Sudździa Buhuk, jakaja adpraviła za kraty Čulcovu i Andrejevu, pastaviła karjeru na paŭzu
Na rachunku sudździ Natalli Buhuk šmat pałamanych losaŭ. Adzin ź jaje samych hučnych pryhavoraŭ − 2 hady pazbaŭleńnia voli žurnalistkam Kaciarynie Andrejevaj i Darji Čulcovaj. Ale pakul što Natalla nie vynosić palityčnyja prysudy. Što ž zdaryłasia?
Pa padlikach pravaabaroncaŭ, Buhuk mienš čym za paŭhoda paśla vybaraŭ pakarała bolš za 50 čałaviek 610 sutkami aryštu i štrafami na ahulnuju sumu bolš za 10 000 rubloŭ. I na hetym, kaniečnie, nie spyniłasia.
Siarod dziŭnych spraŭ, u jakich zaśviaciłasia Natalla, była, naprykład, sprava Dzimitryja Bubienki. Mužčynu zatrymali za dziciačyja malunki, jakija visieli na voknach prykładna 4 hady. Buhuk zapytała, čamu jon nie atrymaŭ na heta dazvoł ad uładaŭ, i ŭ vyniku prysudziła 12 sutak za «niesankcyjanavanaje pikietavańnie».
Apošni raz imia Natalli Buhuk źjaŭlałasia ŭ ŚMI 11 červienia 2023 hoda. Tady «Viasna» paviedamlała, što žančyna budzie sudzić pa «terarystyčnym» artykule 21-hadovaha Dźmitryja Hudziejeva, jakoha padčas brutalnaha zatrymańnia mocna źbili.
Vyhladaje tak, što Natalla Buhuk daviała spravu Dźmitryja Hudziejeva i pajšła ŭ dekretny adpačynak — bo ŭ vieraśni 2023 hoda jana naradziła dačku.
Darečy, muž Natalli, 32-hadovy Andrej Buhuk, jaki pracavaŭ namieśnikam prakurora, taksama adznačyŭsia ŭ palityčnych spravach. Jon, naprykład, padtrymlivaŭ dziaržaŭnaje abvinavačańnie ŭ spravie maci dvuch małaletnich dziaciej Darji Padvojnych (jaje abvinavačvali ŭ abrazie supracoŭnikaŭ milicyi).
U Minsku sudziać 21-hadovaha Dźmitryja Hudziejeva — jamu pahražaje da 12 hadoŭ kałonii
«Ja zdolnaja pieražyć amal usio». Dva z pałovaj hady Kaciaryna Andrejeva ŭ źniavoleńni
«Nieśli płakat i pałotnišča bieł-čyrvona-biełaha koleru, błakavali šlach transpartu» — jašče adzin prysud pa «narodnym» artykule
Kamientary