«Kibierpartyzany» adkazali Ciercielu: My nikoli nie płanavali ataku na BiełAES
Aktyvisty ŭ svaim telehram-kanale zajavili pra pravakacyju KDB.
Kiraŭnik KDB Ivan Cierciel, vystupajučy z trybuny UNS, zajaviŭ, što «Kibierpartyzany» rychtujuć ataki na abjekty krytyčnaj infrastruktury, u tym liku BiełAES.
Sa słoŭ Cierciela, arhanizacyja nibyta raspracoŭvaje płany napadaŭ, jakija mohuć pryvieści da surjoznych nastupstvaŭ dla biaśpieki Biełarusi.
«Kibierpartyzany» adkazali na zajavu Cierciela. Jany śćviardžajuć, što nikoli nie płanavali ataku na BiełAES.
«Nie płanujem. I nikoli nie płanavali. Tamu što my pracujem, kab vyratavać žyćci biełarusaŭ, a nie ich źniščyć. U adroźnieńnie ad režymu Łukašenki», — havorycca ŭ paviedamleńni.
«Kibierpartyzany» pry hetym adznačyli, što technična ataka na BiełAES mahčymaja, pakolki abarona ad kibieratak na biełaruskich dziaržpradpryjemstvach nieefiektyŭnaja.
Kamientary