Kiraŭnik fondu «Bajsoł» Andrej Stryžak raskazaŭ, što šeść miesiacaŭ zusim nie ŭžyvaŭ ałkaholu. Jon apisaŭ svoj dośvied i zrabiŭ niekalki vysnovaŭ z hetaha pieryjadu.
Stryžak pryvodzić u fejsbuku niekalki punktaŭ:
«1. Biez ałkaholu žyćcio lepšaje
Ja dumaju, što tut mianie bolš za ŭsio zrazumiejuć aŭtamabilisty. Biez mašyny całkam sabie možna žyć — ty možaš karystacca hramadskim transpartam, albo taksi, ci jeździć rovaram, ci chadzić pieššu. Ale ž z mašynaj ty možaš bolš. Toje ž samaje i z buchłom — bieź jaho ty možaš bolš. Raniej i spakajniej pračynacca, nie adčuvać hałaŭnoj boli, nie prajo**ać dedłajny, roŭna i mocna pracavać, mieć bolš mocy arhanizma na roznyja pryjemnyja štuki, chutčej dumać i prymać rašeńni.
2. Biez ałkaholu žyćcio składaniejšaje
U šmatlikich vypadkach ałkahol — vydatnaja sacyjalnaja zmazka, jakaja dazvalaje vam sumnych i nudnych ludziej navokał zrabić viasiołymi, cikavymi i pryvabnymi ŭ kamunikacyi. Kali vy nie pjacie, to vielmi chutka koła siabroŭ, ź jakimi vy bavili čas za kielicham/kufalem, pastupova źnikaje z vašaha žyćcia.
Žyć biez koła znosinaŭ možna, ale ž składana. Jašče składaniej padtrymlivać cikavaść i ŭdzieł u kampanii jakaja pje. Stamlaješsia i nudzišsia i staraješsia paźbiahać takich kampanij.
3. Biez ałkaholu ty robišsia zdaraviejšym i pryvabniejšym
Ź listapada 2023 pa kaniec krasavika 2024 ja skinuŭ 14 kiłahramaŭ. Staŭ vielmi šmat chadzić, daŭžej spać, narmalizavaŭ dyjetu i cisk. Lvinaja dola hetych źmienaŭ — admova ad ałkaholu, pierakrojvańnie pryncypaŭ charčavańnia i padvyšeńnie ruchavaj aktyŭnaści.
Efiekt mnie padabajecca i chočacca rabić bolš i lepš, bo bačny sens i vynik. I samaje hałoŭnaje — biez ałkaholu ty robišsia bolš psichična ŭstojlivym, pracuješ dumkaj, jak skalpielem. Chutka, dakładna, słušna.
4. Ci moža być ałkahol nie pieraškodaj, a mahčymaściu
Nu i voś my padyjšli da hałoŭnaha pytańnia, čamu ž, niehledziačy na ŭsie pieravahi, ja ŭsio-tki adznačaju svaje paŭhoda nie biezałkaholnym napojem. Ja ŭ svaim žyćci pasprabavaŭ dobra pić i nie pić całkam — pieršy varyjant mianie zusim nie zadavalniaje, druhi całkam mahčymy da vykanańnia i pracoŭny.
Chaču pasprabavać treci — žyć zdarovym hłuzdam i zdarovymi ž abmiežavańniami, ale ž biez zabarony na pryjemnaje. Bałans i harmonija ŭnutry čałavieka sparadžajuć bałans i harmoniju vakoł jaho. Kab atrymać zadavalnieńnie ad taho, što tabie padabajecca, ty pavinny abmiažoŭvać siabie i heta dazvolić tabie nasałodžvacca momantam.
Baču, što žyć treba tak, kab było mienš, ale lepš. Kab było dastatkova, ale nie zanadta šmat. Nie hazavać, ale ruchacca chutka. Abmiažoŭvać siabie nie dziela zabarony, a dziela jašče bolšaj asałody ad pryjemnaha, što maješ u hetym žyćci.
Nie zabaraniaj, ale budź adkaznym u svaim vybary i jahonych nastupstvach».
«Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach8
Kamientary
1) Ty zaŭsiody možaš sieści za styrno. Ujavicie situacyju - vy adpravili siamju kudyś u viosku da baćkoŭ, a sabie dazvolili "rassłabicca". Raptam zvanok, niešta zdaryłasia, terminova treba jechać dapamahać/ratavać, a vy piva papili. Atrymajecie adčuvańnie viny i nie biezpadstaŭnaje.
2) Da vas pryčapiŭsia dziaciuk la kramy i atrymaŭ u mordu. Kali jon praz heta źviarniecca ŭ palicyju i vy byli choć trošačku niećviarozy, ličycie, što ŭ vas vialikija prablemy. Davieści, što jon "pieršy pačaŭ" budzie amal niemahčyma.
3) Razvod, ad vas sychodzić žonka. Kali ŭsie vakoł viedajuć, što vy nie pjacie, to joj ŭ sudzie budzie ciažka davieci, što na ludziach vy prykidvajeciesia prystojnym, a voś doma oho-ho - pjany debašyr, hvałtaŭnik i tyran.
U astatnim zhodny z aŭtaram - zdaroŭje, jakaść žyćcia i kamunikacyii značna palapšajecca. Nie zhodny tolki, što całkam admaŭlacca nie varta, a lepiej "razumna kantralavać". Šmat pić škodna, a pić mała - biessensoŭna.