Fota: Pasolstva Rasii ŭ Biełarusi
U Breście, jak i ŭ inšych abłasnych centrach Biełarusi, prajšła akcyja «Bieśśmiarotny połk». U joj uziała ŭdzieł delehacyja ad akupavanaj Rasijaj častki Zaparožskaj vobłaści.
Udzielniki šeścia išli ź vialikaj raściažkaj pad savieckimi ściahami i z hieorhijeŭskimi stužkami.
Akcyi «Bieśśmiarotny połk» u Biełarusi zvyčajna zabaranialisia, a arhanizacyjnamu kamitetu admaŭlajuć u rehistracyi. Zamiest hetaj akcyi ideołahi prydumali anałahičnuju — «Biełaruś pamiataje». Sutnaść jaje takaja ž — šeście z partretami ŭdzielnikaŭ vajny. Adnak zamiest hieorhijeŭskich stužak vykarystoŭvajucca čyrvona-zialonyja butańjerki ź ćvietam jabłyni.
Sioleta kałony «Bieśśmiarotnaha pałka» prajšli pa vulicach haradoŭ razam z udzielnikami akcyi «Biełaruś pamiataje».
Rasija akupavała častku Zaparožskaj vobłaści ŭ ramkach poŭnamaštabnaha ŭvarvańnia va Ukrainu, a zatym praviała niepryznany mižnarodnaj supolnaściu refierendum ab uklučeńni vobłaści ŭ svoj skład. Pry hetym abłasny centr — Zaparožža — zastajecca pad kantrolem Ukrainy.
Čytajcie taksama:
U Minsku i abłasnych centrach prajšli šeści «Bieśśmiarotnaha pałka» pad savieckimi ściahami FOTY
Špic Umka pahladzieŭ na parad Pieramohi ŭ Maskvie FOTAFAKT
Pucin na paradzie Pieramohi nazvaŭ hierojami ŭdzielnikaŭ uvarvańnia va Ukrainu
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)