U škole achoŭnik zapisvaŭ u žurnał pašpartnyja źviestki naviednikaŭ. Ci zakonna heta?
Centr piersanalnych danych paviedamiŭ u svaim telehram-kanale, što jamu pryjšła skarha na dziejańni achoŭnika adnoj sa škoł, jaki ŭsich naviednikaŭ ustanovy fiksavaŭ u žurnale, zapisvajučy tudy ich pašpartnyja źviestki (proźvišča, imia, imia pa baćku, sieryju i numar pašparta). I patłumačyŭ, što rabić tak jon nie maje prava.
«Fiksacyja ŭ hetym žurnale sieryi i numara dakumienta, jaki śviedčyć asobu, ciahnie zališniuju apracoŭku piersanalnych dadzienych, h.zn. źjaŭlajecca parušeńniem punkta 5 artykuła 4 zakona», — kanstatuje Centr piersanalnych danych.
U suviazi z hetym jon nakiravaŭ škole, u jakoj heta adbyvałasia «patrabavańni ab vyklučeńni praktyki apracoŭki (zboru i zachoŭvańnia) u žurnale rehistracyi naviedvalnikaŭ sieryi i numara dakumienta, jaki śviedčyć asobu subjektaŭ piersanalnych danych».
Takim čynam, kali ŭsio rabić pavodle zakona, to dapuskajecca tolki fiksacyja ŭ žurnale proźvišča, imia i imia pa baćku, a voś pierapisvańnie pašpartnych sieryj i numaroŭ — niezakonnaje.
Centr abarony piersanalnych źviestak: Vykarystańnie Zoom u anłajn-navučańni nie adpaviadaje biełaruskim zakonam
Piersanalnyja źviestki sotniaŭ biełarusaŭ paciarpieli z-za ŭciečki baz danych rasijskaj anłajn-kramy
Siłaviki zładzili čarhovuju fejkavuju rassyłku pa biełaruskich čatach. Što adbyłosia i jak abaranicca
Kamientary