У школе ахоўнік запісваў у журнал пашпартныя звесткі наведнікаў. Ці законна гэта?
Цэнтр персанальных даных паведаміў у сваім тэлеграм-канале, што яму прыйшла скарга на дзеянні ахоўніка адной са школ, які ўсіх наведнікаў установы фіксаваў у журнале, запісваючы туды іх пашпартныя звесткі (прозвішча, імя, імя па бацьку, серыю і нумар пашпарта). І патлумачыў, што рабіць так ён не мае права.
«Фіксацыя ў гэтым журнале серыі і нумара дакумента, які сведчыць асобу, цягне залішнюю апрацоўку персанальных дадзеных, г.зн. з'яўляецца парушэннем пункта 5 артыкула 4 закона», — канстатуе Цэнтр персанальных даных.
У сувязі з гэтым ён накіраваў школе, у якой гэта адбывалася «патрабаванні аб выключэнні практыкі апрацоўкі (збору і захоўвання) у журнале рэгістрацыі наведвальнікаў серыі і нумара дакумента, які сведчыць асобу суб'ектаў персанальных даных».
Такім чынам, калі ўсё рабіць паводле закона, то дапускаецца толькі фіксацыя ў журнале прозвішча, імя і імя па бацьку, а вось перапісванне пашпартных серый і нумароў — незаконнае.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў9
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары