Minskaje «Dynama» jašče bolš uskładniła sabie zadaču prabicca ŭ płej‑of Kantynientalnaj chakiejnaj lihi.
Minskaje «Dynama» jašče bolš uskładniła sabie zadaču prabicca ŭ płej‑of Kantynientalnaj chakiejnaj lihi.
U aŭtorak biełarusy sastupili myciščanskamu «Atłantu». Matč uvohule pačaŭsia z kanfuzu dla minčan. Užo na 45‑aj siekundzie hulni Jan Bulis zmoh vyvieści haspadaroŭ napierad. Pieršy pieryjad tak i skončyŭsia.
A ŭ druhim pieryjadzie «Dynama» adpłaciła «Atłantu» jahonaj ža manietaj. Švied Junas Andersan zmoh adyhryć šajbu ŭžo na 43‑iaj siekundzie. Videaprahlady ničoha nie źmianili — 1:1.
Nu a roŭna na ekvatary matča Alaksandr Baraŭkoŭ, jaki viarnuŭsia ŭ Biełaruś paśla praciahłaj sibirskaj adysiei, vyvieŭ minčan napierad.
Što praŭda, syści na druhi pierapynak pry pieravazie ŭ liku nie atrymałasia. Paśla vydaleńnia syna hałoŭnaha treniera nacyjanalnaj zbornaj Michaiła Zacharava Kanstancin. I ŭsio toj ža Jan Bulis skarystaŭ kolkasnuju pieravahu — 2:2.
Nu a pieramohu rasijskamu kłubu prynios Mikałaj Žerdzieŭ u pačatku pieryjadu treciaha pieryjadu. Niešta źmianić u Alaksandra Andryjeŭskaha tak i nie atrymałasia.
Projhryš — 2:3.
U minskaha «Dynama» pa‑raniejšamu zastałosia 56 punktaŭ paśla 48 hulniaŭ. Ad zony płej‑of kamanda adstaje na 11 punktaŭ.
Nastupnuju sustreču «zubry» praviaduć 28 studzienia ŭ Sankt‑Pieciarburzie suprać SKA.
«Łukašenka pieršym adčuje katastrofu Pucina» — Śviatłana Aleksijevič u vialikaj hutarcy TOK10
Kamientary