U Maskvie projdzie pasiadžeńnie Kamisii Mytnaha sajuza
27 studzienia ŭ Maskvie adbudziecca čarhovaje pasiadžeńnie Kamisii Mytnaha sajuza (KMS). Biełaruskuju delehacyju ŭznačalić namieśnik premjer‑ministra člen KMS Andrej Kabiakoŭ.
Jak paviedamlaje pres‑słužba Ministerstva zamiežnych spraŭ Biełarusi, płanujecca, što padčas pasiadžeńnia baki razhledziać płan farmavańnia adzinaj ekanamičnaj prastory, a taksama pytańni funkcyjanavańnia adzinaj sistemy nietaryfnaha rehulavańnia i raspracoŭki prajektaŭ dakumientaŭ pa viadzieńni adzinaj tavarnaj namienkłatury źniešnieekanamičnaj dziejnaści Mytnaha sajuza, uniasieńnia źmianieńniaŭ i dapaŭnieńniaŭ u niekatoryja rašeńni Miždziaržsavieta JeŭrAzES i KMS.
Płanujecca abmierkavańnie prajektaŭ pahadnieńnia ab ustanaŭleńni i prymianieńni ŭ Mytnym sajuzie paradku zaličeńnia i raźmierkavańnia ŭvaznych mytnych pošlin,
inšych pošlin, padatkaŭ i zboraŭ, jakija majuć ekvivalentnaje značeńnie; pratakoła ab uniasieńni źmienaŭ u praviły zapaŭnieńnia zajavy ab uvozie tavaraŭ i vypłacie ŭskosnych padatkaŭ; pahadnieńnia ab stvareńni instytuta padatkovych pradstaŭnikoŭ dziaržaŭ‑členaŭ. Baki majuć namier zaćvierdzić sietkavy hrafik padrychtoŭki prajektaŭ mižnarodnych pahadnieńniaŭ i narmatyŭnych pravavych aktaŭ, jakija zaćviardžajucca KMS.
Akramia taho, buduć razhledžany pytańni, jakija tyčacca farmavańnia Kamiteta pa mierach rehulavańnia źniešniaha handlu, vyznačeńnia formy zvarotu ŭ KMS ab źmienie staŭki ŭvaznoj mytnaj pošliny, ustaranieńnia chibaŭ u tavarnaj namienkłatury źniešnieekanamičnaj dziejnaści i karekciroŭcy stavak adzinaha mytnaha taryfu, dziejnaści šerahu ekśpiertnych hrup.
Kamientary