Zavočna źbirajucca sudzić instruktara pa izrailskim adzinaborstvie
Śledčy kamitet paviedamiŭ pra pačatak śpiecvytvorčaści ŭ dačynieńni da 43-hadovaha Hienadzia Kapitanava. Mužčynu zaklikajuć viarnucca ŭ Biełaruś i pryjści va Upraŭleńnie Śledčaha kamiteta pa Minsku.
Hienadziu Kapitanavu inkryminavanyja č. 1 art. 130 KK (raspalvańnie inšaj sacyjalnaj varožaści albo varažniečy), č. 3 art. 361 KK (stvareńnie ekstremisckaha farmavańnia abo ŭdzieł u im), č. 1 art. 368 KK (abraza Łukašenki), art. 369 KK (abraza pradstaŭnika ŭłady).
Jak daviedaŭsia «Pozirk», Hienadź Kapitanaŭ — atestavany instruktar pa kraŭ-maha (raspracavanaja ŭ Izraili vajskovaja sistema rukapašnaha boju) sa stažam zaniatkaŭ bolš za 10 hadoŭ.
Hienadź byŭ adnym z dvuch biełaruskich spartsmienaŭ, jakija ŭdzielničali ŭ pieršym aficyjnym čempijanacie śvietu pa spartyŭnym kirunku adzinaborstva ŭ 2017 hodzie ŭ Izraili, a taksama byŭ sudździoj pieršych spabornictvaŭ pa kraŭ-maha ŭ Minsku ŭ 2019 hodzie.
Jak ciapier vyhladaje palitźniavoleny Juraś Ziankovič. Jon nie ŭ robie, a ŭ cyvilnym kaściumie10
Kamientary
Sučasny śviet tatalitarny paternaliskimi intervencyjami ŭva ŭsiemažlivyja zakutki raniej asabistaha žyćcia. Ale apošnimi časami źjaŭlajecca jašče i vuścišnaja tendencyja da eksterytaryjalnaści, kali dziaržavy roznymi mechanizmami (vaźmicie toj ža Interpoł ci zamiežnyja ministerstvy i specsłužby) sprabujuć rehlamentavać i penaltyzavać adchileńni ad rehlamentaŭ pa-za miežami terytoryi, jakuju kankretnaja dziaržava kantraluje z dapamohaj hvałtu.