Завочна збіраюцца судзіць інструктара па ізраільскім адзінаборстве
Следчы камітэт паведаміў пра пачатак спецвытворчасці ў дачыненні да 43-гадовага Генадзя Капітанава. Мужчыну заклікаюць вярнуцца ў Беларусь і прыйсці ва Упраўленне Следчага камітэта па Мінску.
Генадзю Капітанаву інкрымінаваныя ч. 1 арт. 130 КК (распальванне іншай сацыяльнай варожасці альбо варажнечы), ч. 3 арт. 361 КК (стварэнне экстрэмісцкага фармавання або ўдзел у ім), ч. 1 арт. 368 КК (абраза Лукашэнкі), арт. 369 КК (абраза прадстаўніка ўлады).
Як даведаўся «Позірк», Генадзь Капітанаў — атэставаны інструктар па краў-мага (распрацаваная ў Ізраілі вайсковая сістэма рукапашнага бою) са стажам заняткаў больш за 10 гадоў.
Генадзь быў адным з двух беларускіх спартсменаў, якія ўдзельнічалі ў першым афіцыйным чэмпіянаце свету па спартыўным кірунку адзінаборства ў 2017 годзе ў Ізраілі, а таксама быў суддзёй першых спаборніцтваў па краў-мага ў Мінску ў 2019 годзе.
Яны пайшлі ад нас у 2024 годзе. Згадваем беларусаў, якіх мы страцілі7
Каментары
Сучасны сьвет таталітарны патэрналіскімі інтэрвэнцыямі ўва ўсемажлівыя закуткі раней асабістага жыцьця. Але апошнімі часамі зьяўляецца яшчэ і вусьцішная тэндэнцыя да экстэрытарыяльнасьці, калі дзяржавы рознымі мэханізмамі (вазьміце той жа Інтэрпол ці замежныя міністэрствы і спэцслужбы) спрабуюць рэглямэнтаваць і пэнальтызаваць адхіленьні ад рэглямэнтаў па-за межамі тэрыторыі, якую канкрэтная дзяржава кантралюе з дапамогай гвалту.