U Brasłavie mužčyna sprabavaŭ vyroščvać kanopli ŭ zaraśnikach barščeŭnika
U Brasłaŭskim rajonie ŭ zaraśnikach atrutnaha barščeŭnika vyjavili ŭčastak, na jakim vyroščvalisia narkaźmiaščalnyja kanopli, paviedamili va ŭpraŭleńni Dziaržkamiteta sudovych ekśpiertyz pa Viciebskaj vobłaści.
![](http://nnexpictures.fra1.digitaloceanspaces.com/img/w732d4webp1/photos/z_2024_07/1fhjdafhdfgjhadfghj-q85bj.jpg.webp)
Spačatku supracoŭniki rajadździeła pa nadzvyčajnych situacyjach, jakija trucili barščeŭnik niedaloka ad Brasłava, vyjavili ŭ atrutnych zaraśnikach raspracavany pad pasadku ŭčastak. Pobač ź im znachodzilisia 12 kašpo z rasadaj raśliny, hrunt i pasadkavyja kruhi.
![](http://nnexpictures.fra1.digitaloceanspaces.com/img/w732d4webp1/photos/z_2024_07/3dgfjhdrfayretertqrwet-2otex.jpg.webp)
Na miesca vyklikali śledčych i sudovych ekśpiertaŭ, jakija pa śladach ruk vyličyli «raślinavoda». Im akazaŭsia 35-hadovy žychar Brasłava, jaki płanavaŭ vyraścić zabaronienuju narkaźmiaščalnuju kulturu, schavaŭšy jaje ŭ patajemnym i niebiaśpiečnym dla naviedvańniaŭ miescy.
Ekśpiertyza paćvierdziła taksama, što kanfiskavanaja raślina adnosicca da narkaźmiaščalnych raślin rodu kanoplaŭ, jakija mohuć być vykarystanyja dla vyrabu niebiaśpiečnych narkotykaŭ. Ciapier mužčynu buduć sudzić.
U Minsku braty-bliźniuki kidali pić niezvyčajnym sposabam: kuryli marychuanu
Dziaŭčyna pierabrała narkotykaŭ i zasnuła ŭ vańnie, zatapiŭšy susiedziaŭ. I heta byŭ tolki pačatak prablem
Biełarus vioz ź Litvy niezvyčajnuju harbatu i zaraz moža sieści na siem hadoŭ
Kanopli: składanaja historyja staŭleńnia dziaržaŭ da ich
Kamientary
hladzieła, jak u vadu
moža ŭ hadałki pajści, a nie za Hryšu