U Minsku adkryłasia pieršaja krama, jakaja prychodzić na źmienu «Buśliku»
U Minsku adkryłasia pieršaja krama z zadumanaj sietki «Śvitanak Niepasieda». Apieratar kramy — fabryka «Śvitanak», i heta adlustravana ŭ jaje naźvie.
Krama padzielenaja na dźvie impravizavanyja zony: tavary dla dziaciej dy niemaŭlat i budučych mam. Častka kramy adviedzienaja pad hulniavuju zonu dla dziaciej.
Amal usio ŭ asartymiencie kramy — biełaruskaj vytvorčaści. Jość, adnak, i kitajskija tavary. Naprykład, silikonavyja pailniki, nahrudnik, nabory posudu, školnyja pienały i fłamastary.
U kramie pradstaŭlenaja pradukcyja 40 biełaruskich pradpryjemstvaŭ. Asartymientnaja matryca ŭklučaje ŭ siabie bolš za 1,8 tys. najmieńniaŭ. Siarod vytvorcaŭ: «Śvitanak», «Kalinka», «Paleśsie», «Junona», «Rečycki tekstyl» i h. d.
Ciapier akcent u asartymiencie zrobleny na letni adpačynak i školnuju paru.
Kramy pad brendam «Śvitanak Niepasieda» adkryjucca ŭ abłasnych centrach i haradach z nasielnictvam ad 100 tys. čałaviek. Źjaviacca jašče niekalki kram i ŭ Minsku.
Hetaja sietka zadumanaja jak zamiena sietki kramaŭ «Buślik», jakaja niadaŭna spyniła svaju pracu i raspačała praceduru bankructva. Miesiac tamu kiraŭnica kancerna «Biellehpram» Taćciana Łuhina anansavała źjaŭleńnie novaj sietki nastupnymi słovami:
«Handlovaja sietka «Buślik» vyzvaliła svaju nišu, aktyŭna jaje pačali zajmać kitajskija tavary. Tamu my vyrašyli adkryć svoj handlovy abjekt. Ja dumaju, što hety prajekt budzie dastatkova paśpiachovym i zapatrabavanym siarod našych dziaciej i baćkoŭ».
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary