Bondarava nazvała Dziermanta «patłatym chłopčykam», jaki «prajaviŭ svoj łatentny homaseksualizm»
Pikantnaść u tym, što Dziermant i Bondarava členy adnoj partyi — Kamunistyčnaj.
Kanflikt pamiž ruparami roznych hrupovak łukašystaŭ nie ścichaje.
Dva dni tamu prapahandyst Ryhor Azaronak abvinavaciŭ častku paplečnikaŭ u pracy na zachodnija raźviedki — ukazaŭ jon tolki na Cimura Prachina, ale namiok byŭ i na Elviru Mirsalimavu i šyrej.
Jaho słovy padchapiŭ prapahandyst sa stažam Alaksiej Dziermant, jaki viadomy svaim umieńniem vahacca ŭ adpaviednaści z hienieralnaj linijaj. «Maje racyju Ryhor Jurjevič, — napisaŭ Dziermant. — Za krykami isteroidnych žančyn prahladajecca całkam racyjanalny płan». «I trojcu znoŭ ža padbirajuć śpiecyjalna: šmatdzietnaja maci, mastačka, admarožanaja studentka» — prazrysty namiok na Elviru Mirsalimavu, Śviatłanu Žyhimont i Volhu Bondaravu.
Volha Bondarava takoj charaktarystyki nie paciarpieła i naniesła ŭdar u adkaz.
«U psichušcy stabilna, — piša Bondarava. — Vialiki skif učora «raskryŭ» «zmovu» ab «padrychtoŭcy dziaržaŭnaha pieravarotu». Navat «udzielnikaŭ» paznačyŭ — «šmatdzietnuju maci», «mastačku» i «admarožanuju studentku». Praŭda, mabyć, z pryrodžanaj bajaźlivaści pabajaŭsia nazvać imiony «vykrytych», — piša aktyvistka. — Moža, heta ŭsio jość nie što inšaje jak tryźnieńnie sivoj kabyły, jakaja kidajecca pamiž bčb-nacyjanalizmam, jeŭrazijstvam, licśvinizmam, skifafilstvam i kamunizmam?»
Akramia taho, Bondarava vystaŭlaje suprać Dziermanta abvinavačvańni ŭ prynaležnaści da homasieksualnaha łobi.
«Pa-mojmu, … vialikaŭzrostavy patłaty chłopčyk, asabista zakranuty rašučaj atakaj … na ŁHBT-prapahandystaŭ i razbeščvalnikaŭ dziaciej, prosta prajaviŭ svoj łatentny homaseksualizm, jaki staranna prychoŭvaje ŭ dziaržavie z tradycyjnymi kaštoŭnaściami».
Pikantnaści situacyi nadaje toj fakt, što Dziermant i Bondarava členy adnoj partyi — Kamunistyčnaj.
Dziermantu, razam z hrupaj inšych prapahandystaŭ taho ž pakaleńnia — Špakoŭskim, Piatroŭskim, — pucioŭku ŭ žyćcio ŭ pačatku 2010-ch daŭ kiraŭnik Centra hramadskich suviaziaŭ KDB Bazanaŭ.
Bondaravu ž, jakaja da taho zarablała na drobnym pamiežnym handli i nidzie nie pracavała, vyvieli na arenu paśla 2020-ha, jaje publičnyja danosy aktyŭna padchoplivaŭ HUBAZiK.
Aboje jany na hetym etapie raspaŭsiudžvajuć idei fašysckaha i čarnasociennaha tołku, uschvalajuć Alaksandra Łukašenku i stvorany im režym i zaklikajuć uzmacnić palityčnyja represii.
Pry hetym dziejnaść abaich finansuje biełaruskaja administracyja.
Bondaravu pracaŭładkavali ŭ haziecie Kampartyi, byłomu lidaru jakoj davieryli śviataja śviatych — pasadu staršyni Centrvybarkama. A Dziermant akarmlajecca ŭ jakaści prapahandysta, pravodzić palitinfarmacyi i vystupaje ŭ ŚMI.
Cichanoŭskaja budzie mieć status nacyjanalnaj lidarki Biełarusi da momantu praviadzieńnia svabodnych vybaraŭ u krainie3
Cichanoŭskaja budzie mieć status nacyjanalnaj lidarki Biełarusi da momantu praviadzieńnia svabodnych vybaraŭ u krainie
«Čamu nie spytaje ŭ siabie: kali ja jezdžu ŭ Hiermaniju i zabiraju ŭsie ŭznaharody, čamu nie vyjšaŭ na kantakt ź niemcami?» Da kaho źviarnuŭsia Łatuška?2828
Kamientary