Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień
Novyja źviestki pra straty rasijskaj armii pryvodzić «Miedyjazona».
Jak piša «Miedyjazona», na 5 lipienia 2024 hoda pa infarmacyi z adkrytych krynic dakładna viadomyja imiony 58200 zahinułych. Ź ich 3700 aficeraŭ, u tym liku 430 u zvańni ad padpałkoŭnika i vyšej. Za apošnija dva tydni da ahulnaha śpisu dadałosia 1349 čałaviek.
Pa sacyjalnym składzie na pieršym miescy, jak i raniej, znachodziacca źniavolenyja (choć pra ich masavaje vykarystańnie paśla šturmu Bachmuta ŭ sakaviku 2023 hoda bolš nieviadoma), zatym iduć dobraachvotniki i mabilizavanyja.
Ličba strat ŭzrastaje ŭdvaja (kala 120 tysiač), kali za asnovu analizu byli ŭziatyja danyja z Rejestra spadčynnych spraŭ. Tolki z pačatku 2024 hoda viadoma pra hibiel 39 tysiač čałaviek.
Aŭtary adznačajuć, što ŭ apošnija miesiacy siaredniadzionnyja straty rasijskaj armii istotna ŭzraśli. Kali ŭ 2023 hodzie jany składali kala 120 čałaviek za dzień, to ciapier — 200-250.
Danyja taksama dazvalajuć vyznačyć rehijony, uradžency jakich najčaściej hinuli na vajnie. Kali na kaniec 2023 hoda heta byli Śviardłoŭskaja i Čalabinskaja vobłaści, Baškartastan i Buracija, ciapier na pieršych miescach Baškartastan, Kubań i Śviardłoŭskaja vobłaść. Praŭda, zusim nie źbirajucca źviestki pra zabitych z akupavanych Danieckaj i Łuhanskaj abłaściej Ukrainy.
Aŭtary zaŭvažajuć, što zychodziačy z tych ličbaŭ, jakija viadomyja na siońnia, vidavočna, što navat kali b vajennyja dziejańni ciapier byli spynieny, to, chutčej za ŭsio, 2024 hod pabiŭ by rekord kryvavaha 2023-ha.
Kali raniej pra «miasnyja šturmy» havaryli ŭ adnosinach da Bachmuta, to ciapier jany — usia linija frontu. Ciapier tam zastałosia našmat mienš ludziej, jakija majuć bajavy vopyt i choć niejkaje dačynieńnie da prafiesijnaj armii. Niekrałohi na prafiesijnych vajennych źjaŭlajucca ŭ bazie ŭsio radziej i radziej.
«PVK Vahnier» zavierbavała na vajnu va Ukrainie ŭ kałonijach 48 tysiač źniavolenych. Ź ich pad Bachmutam zahinuli nie mienš za 17 tysiač
Rasija vykarystoŭvaje dla pieravozu piachoty holf-kary i biełaruskija matacykły. Ad hetaha straty rastuć
Abvał niepaźbiežny? Rasijskaja armija niasie hihanckija straty: 1175 viadomych imion zabitych tolki za dva tydni
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary6
Kamientary
Skolko hibniet rośsijan, stolko i ukrainciev.
V bolšinstvie svojem russkojazyčnych.
I voobŝie eto vsie očień pochožie na boŕbu s sobstviennym otražienijem v zierkale.