Vice-śpikier Sienata Polščy nazvaŭ abmiežavańni na ŭjezd u Jeŭrasajuz dla biełarusaŭ amaralnymi
Dazvoł na pierasiačeńnie miažy Jeŭrapiejskaha Sajuza i Biełarusi dla hruzavikoŭ, jakija «dajuć zarablać hrošy Łukašenku i jahonaj kamandzie», i adnačasovyja abmiežavańni na jaje pierasiačeńnie dla ŭsich aŭtamabilaŭ ź biełaruskimi numarami — «heta vielmi amaralna», zajaviŭ vice-śpikier Sienata Polščy Michał Kamiński ŭ hutarcy z daradcam Śviatłany Cichanoŭskaj pa parłamienckim supracoŭnictvie i kanstytucyjnaj reformie Anatolem Labiedźkam, piša «Pozirk».
Videa razmovy Labiedźki ź Michałam Kamińskim apublikavanaje na jutub-kanale «PRANAS».
Abmiežavańni na pryjezd u ES dla naviedvańnia svaich svajakoŭ «achviaram hetaha režymu, zvyčajnym biełarusam» — palityčnaja pamyłka i amaralnyja dziejańni «Jeŭrapiejskaha Sajuza abo kankretnych krain hetaha sajuza», ličyć parłamientaryj.
«Ja budu prapanoŭvać usim deputatam Jeŭrapiejskaha Sajuza, kab my aktyŭna zmahalisia za toje, kab ES nie začyniaŭ dźviery dla hramadzian Biełarusi, jakich my ličym suhramadzianami našaha jeŭrapiejskaha hramadstva», — padkreśliŭ vice-śpikier polskaha Sienata.
«Biełarusy — členy toj ža samaj siamji, jakaja nazyvajecca Jeŭropa», — dadaŭ Michał Kamiński.
Na dumku polskaha palityka, biełarusy «na žal, siońnia znachodziacca va ŭmovach dyktatury, ale heta nie ich vina»: «i my, jak jeŭrapiejcy, jak palaki, jak litoŭcy, jak susiedzi biełaruskaha naroda, pavinny rabić usio, kab dapamahać biełarusam».
Dapamoha — heta «adkryćcio miežaŭ, a nie ich zakryćcio», skazaŭ palityk. «My nie pavinny dapamahać Łukašenku ŭmacoŭvać svaju dyktaturu», — zajaviŭ jon.
Pamiežnyja čaty: «Litva ŭviała abmiežavańni na vyvaz jeŭra ŭ Biełaruś». Tłumačym situacyju
Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam
«Budzie adbyvacca vymušany, ale ŭsio bolšy pavarot u bok Rasii». Sacyjołah pra ŭpłyŭ novych sankcyj na nastroi biełarusaŭ
Jak biełarusam jeździć praź miažu na aŭto, zarehistravanych u ES, kali biełaruskija numary akažucca pad poŭnaj zabaronaj
Cichanoŭskaja: Abmiežavańni na miažy nie zakranuć aŭtobusy i maršrutki
Zachavańnie «Biełsata» i źmiakčeńnie ŭmovaŭ pravozu tavaraŭ praz polskuju miažu — što Cichanoŭskaja abmierkavała ź Sikorskim
Łukašenka pra punkty propusku na miažy z Polščaj: Dy chaj choć apošni zakryjuć38
Kamientary
Abmiažoŭvać ruch ŭ pravie adno ŭłaśnik na svajo majno
Zastajecca spadziavacca na toje, što biełarusy na ŭsio žyćcio zapomniać, jak u ciažkija dla nas časy paviali sabie našyja bałtyjskija susiedzi. Łatvija i Estonija ŭ pryvatnaści. Dy i Litva na žal nie daloka ad ich adyšła ŭ dyskryminacyi biełarusaŭ