72% žycharoŭ Polščy padtrymlivajuć ideju zakryćcia ŭsich pamiežnych pierachodaŭ na miažy ź Biełaruśsiu, suprać 21% respandentaŭ, paviedamiła 5 žniŭnia Polskaje telebačańnie sa spasyłkaj na lipieńskaje daśledavańnie Centra vyvučeńnia hramadskaj dumki, piša «Pozirk».
Prykładna stolki ž, 73% apytanych, vystupajuć suprać nadańnia mihrantam, jakija pierasiakajuć miažu ź Biełaruśsiu, prytułku ŭ krainie, siarod moładzi hety pakazčyk dasiahaje 79%.
84% respandentaŭ padtrymała zaćvierdžany polskimi zakanadaŭcami ŭ lipieni zakonaprajekt, jaki vyklučaje kryminalnuju adkaznaść za prymianieńnie vajskoŭcam zbroi abo srodkaŭ pramoha prymusu, kali jany ŭžyvalisia «ŭ metach adbićcia pramoha zamachu na žyćcio, zdaroŭje abo svabodu hetaha vajskoŭca ci inšaj asoby, a taksama supraćdziejańnia dziejnaści, jakaja viadzie da napadu».
U chodzie apytańnia, praviedzienaha 5-7 lipienia Polskim instytutam rynkavych i sacyjalnych daśledavańniaŭ, 71,8% hramadzian taksama padtrymali mahčymaje zakryćcio čyhunačnych punktaŭ propusku na miažy ź Biełaruśsiu.
Bolš za sutki pakut: jak biełarusy prachodziać polskuju miažu
Polskija pamiežniki zabrali ŭ biełarusa furu koštam 200 tysiač dalaraŭ
Jakaja abstanoŭka na pierachodach z Polščaj i Litvoj pa stanie na ranicu paniadziełka?
Bolš za 60 jeŭra ŭ kašalku — buduć prablemy? Na vyjeździe ź Litvy biełarusy sutykajucca z novymi ciažkaściami
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj20
Kamientary