Minskaja błohierka raspaviała, što tracić na žyćcio $10-15 tysiač štomiesiac — i joj nie chapaje. Ale vierać u heta nie ŭsie

Inha Miadźviedzieva zarablaje tym, što pradaje nastaŭnictva pa asabistym brendzie i vučyć vieści svoj błoh. Błohierka vyrašyła raspavieści, jak sa svaim chłopcam płanuje siamiejny biudžet.

— Ahulnyja raschody ŭ nas 10-15 tysiač dołaraŭ na miesiac. Heta biez padarožžaŭ i nazapašvańniaŭ. Prosta zvyčajnaje žyćcio.

Pavialičyć

Niechta z padpisčyc pacikaviŭsia, na što ž možna tracić stolki hrošaj u stalicy Biełarusi.

— Kali ščyra, mnie navat nie chapaje. Vielmi. Ja, naprykład, chaču kab kuchar hatavaŭ kožny dzień. Chaču masaž za 500 rubloŭ sieans, a treba 10 [sieansaŭ]. Zołata chaču, šmat. Hałavu myć sama nie chaču. Na masaž noh kožny dzień chaču chadzić. Darahija padarunki lublu daryć, kožny dzień by daryła. Karaciej, u mianie prosta vielmi razhajdanaja chačucha. Pra šmotki i sumki naohuł maŭču.

Błohierka taksama padzialiłasia, što choča zajmacca holfam:

— A heta 200 rubloŭ za taksi, 200 za zaniatak. Dva razy na tydzień — heta ŭžo 800 rubloŭ, a za miesiac — 3200. A jašče darahija kluški, adzieńnie i hetak dalej. Ad tysiačy dołaraŭ prosta holf.

Inha napisała pra ich rehularnyja traty z chłopcam: 1250 dalaraŭ jany płaciać za arendu kvatery, prykładna tysiača dalaraŭ treba na biznes-taksi, jašče dźvie z pałovaj tysiačy «zialonych» idzie na ježu i toje, kab pakuryć niedzie kaljany.

Pavialičyć

Los jašče 5-10 tysiač dalaraŭ štomiesiac Inha nie zmahła rastłumačyć. Pryviała ŭ jakaści prykładu toje, što vyrvać zub i pastavić impłant joj kaštavała 1500 dalaraŭ (ale vidavočna, što takija raschody byvajuć nie kožny miesiac).

Zdajecca, u takoje vip-žyćcio pavieryli nie ŭsie padpisčycy, bo Inha pryznałasia, što ŭ jaje dyrekcie šmat paviedamleńniaŭ, naprykład, z pretenzijami nakont taho, što z takimi byccam by vialikimi dachodami ŭ pary niama ni svajho žylla, ni navat mašyny, a apranuta dziaŭčyna nie ŭ supierbrendavaje adzieńnie. Ale błohierka tłumačyć heta tym, što ludziej prosta tryhieryć tema jaje raschodaŭ.

Pavialičyć

Inha taksama padzialiłasia svaim pohladam na finansavyja adnosiny ŭ pary.

— Što važna dla mianie? Kab mužčyna zarablaŭ bolš. Kab ja pry hetym taksama zarablała (heta daje mnie biaśpieku i ŭ adnosinach, i ŭ vypadku rasstańnia). Usie vydatki niasie mužčyna, ja apłačvaju tolki raźvićcio svajho biznesu. U vypadku časovych finansavych składanaściaŭ u mužčyny ja mahu ŭziać na siabie apłatu svaich sałonaŭ pryhažości, adzieńnia i inšych maich asabistych žadańniaŭ.

Błohierka śćviardžaje, što sama dobra zarablaje. U roznyja časy ahučvała ŭ svaim błohu ličby 5-10 tysiač dalaraŭ štomiesiac. Ale dla Inhi važna, kab za pryhožaje žyćcio płaciŭ mienavita mužčyna. Jana šukała taho, dla kaho heta taksama prymalna. Chłopiec Inhi maładziejšy za jaje — jamu 23 hady. Błohierka raspaviadała, što jaje kachany zajmajecca aŭtamatyčnaj rassyłkaj u LinkedIn i pa pošcie na Jeŭropu i Amieryku.

Pavialičyć

— Jak usio adbyvajecca na praktycy? U Kiryła jość moj raskład, jon viedaje, na što mnie patrebny hrošy, i prosta ich daje. U minułych adnosinach mnie davali adnolkavuju sumu na miesiac napierad. Mnie zručna i tak, i tak. Dla mianie hetaja schiema nie ok, kali ja nie zarablaju sama. Heta dzikaja zaležnaść i 100% inšaje staŭleńnie mužčyny da ciabie.

Inha kaža, što admovaŭ nie atrymlivaje — maksimum chłopiec prosić pačakać niekalki dzion. Ale, jak śćviardžaje błohierka, raniej u jaje adnosinach zaŭsiody było tak, što mužčyna spačatku «rvie dupu», kuplaje ŭsio i baicca admović choć u niečym, a potym nastupaje momant, kali jon heta pierastaje ciahnuć.

— Z Kiryłam my vyznačyli biudžet na kožnuju hrafu vydatkaŭ, pieryjadyčna jon stavić mianie ŭ viadomaść ab finansavym stanie (albo možna ŭsio, što zachaču, i pabolš, albo časova biez bujnych trat, ale płanavyja biez prablem). Ale ja čakać nie lublu, tamu tady kuplaju sa svaich.

Inha raspaviała, što nie lubić siurpryzy, tamu na vypadak, kali chłopiec raptam sam zachoča niešta padaryć, zaviała telehram-kanał, dzie pościć toje, što joj spadabałasia (tam jość, naprykład, parfuma za 618 rubloŭ i sukienka za 230).

Pavialičyć

Błohierka śćviardžaje, što chłopiec i sam nie vielmi choča jaje abmiažoŭvać, bo dla jaho važna, kab u jaje ŭsio było.

— Było niekalki paprokaŭ, ja adrazu kazała: «Ach tak, tady ok, ja sama za ŭsio zapłaču, ale heta adbivajecca na maim staŭleńni da ciabie jak da mužčyny» — i płaciła, ale niadoŭha.

• 2
• 36
• 70
• 3
• 1
• 4
• 1
• 1