Rasijski Lipieck padvierhnuŭsia masiravanaj atacy dronaŭ. U niekatorych vioskach idzie evakuacyja
U Lipiecku i Lipieckaj municypalnaj akruzie spynieny ruch pasažyrskaha transpartu, jaho adnoviać paśla admieny čyrvonaha ŭzroŭniu niebiaśpieki.
Lipieck padvierhnuŭsia «masiravanaj atacy» dronaŭ, paviedamiŭ hubiernatar vobłaści Ihar Artamonaŭ, piša RBK.
Na vajskovym aeradromie adbyłosia ŭzharańnie, zdetanavaŭ skład bojeprypasaŭ; U horadzie ŭnačy byli čutnyja vybuchi.
U Lipiecku i Lipieckaj municypalnaj akruzie spynieny ruch pasažyrskaha transpartu, jaho adnoviać paśla admieny čyrvonaha ŭzroŭniu niebiaśpieki, paviedamiŭ hubiernatar.
Vyrašyli evakujavać žycharoŭ čatyroch nasielenych punktaŭ: Kopcievy Chutary, Fiodaraŭka, Jakaŭleŭka, Tynkoŭka. U zonu evakuacyi ŭ Lipiecku traplajuć 416 domaŭładańniaŭ.
Va ŭsie nasielenyja punkty prybyli aŭtobusy dla evakuacyi žycharoŭ. Na miescy pracujuć ekstrannyja słužby i kiraŭnik Lipieckaj municypalnaj akruhi.
Viadziecca padamavy abychod. Častka žycharoŭ pryniali rašeńnie nie pakidać damy i schavacca ŭ padvałach.
Taksama pra masiravanuju ataku dronaŭ paviedamili ŭłady Biełharadskaj vobłaści.
Usiaho nad terytoryjaj vobłaści siłami SPA źbita 29 BPŁA samalotnaha typu. U horadzie Stary Askoł u dvuch pryvatnych damach vybityja šyby i paškodžanyja dachi, fasady i płaty, a taksama adzin lehkavy aŭtamabil. U horadzie Novy Askoł u vyniku ataki BPŁA zahareŭsia anhar na terytoryi pramysłovaha pradpryjemstva.
Cichanoŭskaja pavinšavała tvitar z hadavinaj bitvy pad Oršaj. I tut pačałosia14
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary