Łukašenka zabaraniŭ słužyć u MUS biełarusam, u jakich jość inšaje hramadzianstva, i pašyryŭ siłavikam sacpakiet
Jahony ŭkaz taksama ŭvodzić biaspłatnaje charčavańnie dla siłavikoŭ va ŭzmacnieńniach i dazvalaje členam siemjaŭ milicyjantaŭ biaspłatna absłuhoŭvacca ŭ viedamasnych miedustanovach.
Alaksandr Łukašenka padpisaŭ ukaz, jaki ŭnosić źmianieńni i dapaŭnieńni ŭ Pałažeńnie ab prachodžańni słužby ŭ orhanach unutranych spraŭ.
Tak, dakumient uvodzić novuju padstavu dla admovy hramadzianinu ŭ pryjomie na słužbu ŭ orhany ŭnutranych spraŭ i spynieńnia hetaj słužby — nabyćcio hramadzianstva (paddanstva) zamiežnaj dziaržavy.
Taksama ŭkazam pavialičany hraničny ŭzrost pryjomu na słužbu z 25 da 28 hadoŭ u suviazi sa źmianieńniem hraničnaha ŭzrostu znachodžańnia na słužbie z 45 da 48 hadoŭ.
Dakumient zakranaje i sacyjalnyja harantyi dla siłavikoŭ. Ciapier členy siamji supracoŭnikaŭ orhanaŭ zmohuć biaspłatna absłuhoŭvacca ŭ viedamasnych miedustanovach. Sami siłaviki zmohuć atrymlivać biaspłatnaje charčavańnie ŭ vypadkach pryciahnieńnia ich da achovy hramadskaha paradku pry pieravodzie ich na ŭzmocnieny varyjant niasieńnia słužby.
Supracoŭnikam orhanaŭ finansavych rasśledavańniaŭ, Śledčaha kamiteta, orhanaŭ i padraździaleńniaŭ pa nadzvyčajnych situacyjach i Dziaržaŭnaha kamiteta sudovych ekśpiertyz dajecca prava miedycynskaha absłuhoŭvańnia ŭ arhanizacyjach MUS, sanatorna-kurortnaha lačeńnia i azdaraŭleńnia na ŭmovach i ŭ paradku, jaki ŭstanoŭleny dla supracoŭnikaŭ orhanaŭ unutranych spraŭ.
Akramia taho, ciapier zakanadaŭča dazvolena stvarać na bazie padraździaleńniaŭ MUS vajskova-patryjatyčnyja kłuby.
Ciapier čytajuć
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie6060
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie60
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały8
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary
Bolšoho uma čiełoviek.
Ustroiliś chorošo.