Sabalenka abyhrała pieršuju rakietku śvietu i vyjšła ŭ finał turniru ŭ ZŠA. Jana moža zarabić paŭmiljona
Treciaja rakietka śvietu ź Biełarusi krychu papraviła svaju statystyku ŭ hulniach ź Ihaj Śviontek.
![](http://nashaniva.com/img/w840d4webp1/photos/z_2024_01/sabalenka_ap240119-bpsfq.jpg.webp)
Aryna Sabalenka, jakaja zajmaje treciaje miesca ŭ suśvietnym rejtynhu, abyhrała pieršuju rakietku śvietu Ihu Śviontek u paŭfinale prestyžnaha turniru ŭ Cyncynaci.
Biełaruska pierajhrała polku ŭ dvuch setach — 6:3, 6:3. Heta čaćviortaja pieramoha Sabalenki nad Śviontek. U polki ŭ aktyvie vosiem pieramoh u hetym supraćstajańni. U hetym hodzie biełaruska abyhrała lidara suśvietnaha rejtynhu ŭpieršyniu.
U finale turniru ŭ ZŠA Sabalenka zhulaje abo z amierykankaj Džesikaj Piehułaj (6-y numar rejtynhu), abo sa svajoj najlepšaj siabroŭkaj — ispankaj Paułaj Badosaj (37).
Pieramožca turniru ŭ Cyncynaci atrymaje 1000 rejtynhavych ačkoŭ i 523 tysiačy dołaraŭ.
Z paniadziełka biełaruska vierniecca na druhoje miesca ŭ suśvietnym rejtynhu.
Kamientary