Ujavicie sabie situacyju: susied ustalavaŭ videanazirańnie ŭ kalidory pamiž kvaterami žyłoha doma. Usio b ničoha, ale vuhał ahladu kamiery dazvalaje adsočvać dziejańni inšych žycharoŭ. Ci zakonna heta, patłumačyli ŭ Nacyjanalnym centry abarony piersanalnych dadzienych, piša blizko.by.
![](http://nashaniva.com/img/w840d4webp1/photos/z_2021_10/dom-pyuns.jpg.webp)
Akazvajecca, tak rabić nielha. Prynamsi biez dazvołu inšych susiedziaŭ.
Jak adznačyli ŭ centry, infarmacyja pra čałavieka na videazapisie adnosicca da piersanalnych danych, kali jana dazvalaje identyfikavać jaho, u tym liku pa źniešnaści abo inšych prykmietach. A častkaj 2 artykuła 18 Zakona ab infarmacyi, infarmatyzacyi i abaronie infarmacyi praduhledžana, što zbor, apracoŭka, zachoŭvańnie, davańnie, raspaŭsiudžvańnie infarmacyi ab pryvatnym žyćci fizičnaj asoby, a taksama karystańnie joju i apracoŭka pryvatnych danych ažyćciaŭlajucca sa zhody dadzienaha čałavieka, kali inšaje nie ŭstanoŭlena zakanadaŭčymi aktami.
Praściej kažučy, videanazirańnie ŭ mižkvaternym kalidory nie moža pravodzicca biez zhody inšych susiedziaŭ, jakija mohuć być identyfikavanyja pa zapisach. Kali jany nie zhodnyja, to treba źmianić vuhał ahladu kamiery takim čynam, kab jana achoplivała vyklučna dźviery kvatery čałavieka, jaki ŭstalavaŭ videanazirańnie.
Kamientary