«Heta byŭ kvest — uhavaryć choć adnu lakarniu horada jaho pryniać». Błohierka raskazała, jak jaje rodny sutyknuŭsia ź biaspłatnaj biełaruskaj miedycynaj
Biełaruska apublikavała ŭ Ch (tvitary) sumny tred pra biełaruskuju miedycynu.
![](http://nashaniva.com/img/w840d4webp1/photos/z_2023_12/-slaz8.jpg.webp)
Dziaŭčyna raskazvaje, što baćka jaje muža pracuje dalnabojščykam, i piać miesiacaŭ tamu, kali jon byŭ u rejsie, ź im zdaryłasia niaščaście.
16 sakavika žoncy mužčyny pazvanili i skazali, što jon lažyć u reanimacyi ŭ Krasnadary. Jaho znajšli nočču kala fury z traŭmami hałavy i śpiny, nichto nie viedaŭ, što zdaryłasia.
Mužčyna znachodziŭsia ŭ komie. Kali jon aprytomnieŭ, mała što pamiataŭ, ale skazaŭ, što vypaŭ z fury. Jaho žonka jeździła da jaho ŭ krasnadarskuju lakarniu z Homiela, i praź miesiac, kali jaho stan trochi stabilizavaŭsia, miedyki dazvolili pieravieźci mužčynu ŭ Biełaruś. Heta kaštavała jaho rodnym 2500 dalaraŭ.
Hrošy znajšli, arhanizavali pierajezd na Radzimu, ale našmat składaniej akazałasia ŭhavaryć choć adnu lakarniu ŭ horadzie pryniać takoha pacyjenta. Mužčynu ŭ ciažkim stanie chacieli adpravić u balnicu rajcentra, bo ŭ abłasnoj lakarni, jak piša błohierka, «pavinien być abarot balničnych łožkaŭ».
«Z Rasii jon pryjechaŭ u stanie, kali moh sam skazać niešta, jeŭ z łyžki i časam adčuvaŭ adnu ruku, ale niz paralizavany. Praz tydzień u haradskoj balnicy jaho ŭsio ž taki pieraviali ŭ abłasnuju z proležniami i paharšeńniami. Jon užo try miesiacy tam, stan to stabilny, to reanimacyja», — raskazvaje błohierka.
Pavodle słoŭ dziaŭčyny, biaspłatnaja biełaruskaja miedycyna — heta kali rodnyja sami pavinny kuplać trachieastomu i pampiersy, myć i dahladać chvoraha ŭ balnicy, bo sanitarak nie chapaje i za 600 rubloŭ takuju brudnuju pracu nichto nie budzie rabić.
Błohierka razvažaje:
«Navošta im płacić bolš, kali možna prosta vinavacić va ŭsich prablemach sistemy płatnyja kliniki, a ludzi niachaj zahinajucca? Adny ad nizkich zarobkaŭ i za***naści, inšyja ad taho, što ludzi z takimi zarobkami pracavać buduć adpaviedna zarobku.
Lekary buduć ihnaravać, tamu što ŭ ich niama času, ich nie chapaje na ŭsich. Kiraŭnictva budzie futbolić ciabie z adnaho viedamstva ŭ inšaje, pakul ty nie znojdzieš bolš upłyvovaha čałavieka. A čas idzie, u takoj situacyi čas — samaje hałoŭnaje».
U biełaruskaj balnicy mužčyna admaŭlaŭsia jeści, a jaho i nie karmili, i ciapier u jaho źnikli hłytalnyja refleksy. Taksama jon nie zaŭždy ŭ śviadomaści, i ahułam jaho stan horšy, čym kali jaho pieravieźli z Krasnadara, dzielicca dziaŭčyna.
Pry hetym, piša błohierka, jaje svajaka źbirajucca vypisać, tamu što palapšeńniaŭ niama. Rodnym mužčyny skazali samim šukać dla jaho siastrynski špital, bo jamu patrebny balničny dohlad.
Błohierka padkreślivaje: heta historyja nie pra drennych lekaraŭ, bo miedyki robiać u ciapierašnich umovach usio mahčymaje.
«Naša Niva» — bastyjon biełaruščyny
PADTRYMAĆ«Praktyka vyklikańnia miedykaŭ na dom pavinna być vykaranienaja». Stanisłaŭ Sałaviej — pra budučyja reformy sistemy achovy zdaroŭja
«Nabiaruć bolš studentaŭ, ale što rabić 6-7 hadoŭ?» Miedyk pra toje, jak ułady zmahajucca ź niedachopam daktaroŭ i što treba rabić
«23 hady žyvu pry Łukašenku, płakać chočacca ad ščaścia». Mahiloŭskuju prapahandystku nie spynić
Kamientary