Čaćviortyja sutki haryć naftabaza. Na dapamohu vypisali śviataroŭ RPC
Skład z dyzpalivam u Praletarsku Rastoŭskaj vobłaści Rasii zahareŭsia paśla ataki bieśpiłotnikaŭ. Na hety momant viadoma, što harać jak minimum 20 cysternaŭ z 74, niekatoryja vybuchajuć.
Čaćviortyja sutki haryć atakavanaja bieśpiłotnikami naftabaza ŭ Praletarsku Rastoŭskaj vobłaści. Pažar raspaŭsiudziŭsia bolš čym na 10 tysiač kvadratnych mietraŭ, ź im zmahajucca bolš za 600 čałaviek, samalot i dva pažarnyja ciahniki. Harać nie mienš 22 z 74 cysternaŭ z dyzpalivam. Časam cysterny vybuchajuć.
Napiaredadni na padmohu paklikali dvuch śviataroŭ RPC — jany praviali malebien u poli na fonie pałajučaj naftabazy. Akramia taho, jany pamalilisia ŭ budynku rajonnaj balnicy, dzie znachodziacca paciarpiełyja pažarnyja. Pavodle aficyjnych źviestak, u vyniku pažaru paciarpieli 42 čałavieki.
U samym Praletarsku nieba paciamnieła. Pry hetym Rasspažyŭnahlad napiaredadni zajaŭlaŭ, što čyścinia pavietra ŭ rajonie ŭ miežach normy.
Naftabaza ŭ Praletarsku Rastoŭskaj vobłaści była atakavanaja bieśpiłotnikami 18 žniŭnia. Pryčym miascovyja ŭłady zajaŭlali pra dźvie chvali napadaŭ dronaŭ, jakija rasijskija SPA nibyta adbili. Adnak u vyniku ataki pačaŭsia mahutny pažar, jaki nie mohuć patušyć dahetul.
Miascovyja ŚMI pišuć, što naftabaza naležyć zasakrečanamu dziaržpradpryjemstvu «Fłahman», jakoje zajmajecca składavańniem i zachoŭvańniem tavaraŭ. Na anłajn-kartach baza nie paznačanaja.
Ciapier čytajuć
Što Babaryka i Kaleśnikava adkazali na pytańni pra vajnu51
Kamientary