Склад з дызпалівам у Пралетарску Растоўскай вобласці Расіі загарэўся пасля атакі беспілотнікаў. На гэты момант вядома, што гараць як мінімум 20 цыстэрнаў з 74, некаторыя выбухаюць.
Чацвёртыя суткі гарыць атакаваная беспілотнікамі нафтабаза ў Пралетарску Растоўскай вобласці. Пажар распаўсюдзіўся больш чым на 10 тысяч квадратных метраў, з ім змагаюцца больш за 600 чалавек, самалёт і два пажарныя цягнікі. Гараць не менш 22 з 74 цыстэрнаў з дызпалівам. Часам цыстэрны выбухаюць.
Напярэдадні на падмогу паклікалі двух святароў РПЦ — яны правялі малебен у полі на фоне палаючай нафтабазы. Акрамя таго, яны памаліліся ў будынку раённай бальніцы, дзе знаходзяцца пацярпелыя пажарныя. Паводле афіцыйных звестак, у выніку пажару пацярпелі 42 чалавекі.
У самым Пралетарску неба пацямнела. Пры гэтым Расспажыўнагляд напярэдадні заяўляў, што чысціня паветра ў раёне ў межах нормы.
Нафтабаза ў Пралетарску Растоўскай вобласці была атакаваная беспілотнікамі 18 жніўня. Прычым мясцовыя ўлады заяўлялі пра дзве хвалі нападаў дронаў, якія расійскія СПА нібыта адбілі. Аднак у выніку атакі пачаўся магутны пажар, які не могуць патушыць дагэтуль.
Мясцовыя СМІ пішуць, што нафтабаза належыць засакрэчанаму дзяржпрадпрыемству «Флагман», якое займаецца складаваннем і захоўваннем тавараў. На анлайн-картах база не пазначаная.
Цяпер чытаюць
Лукашэнка: Што творыцца ў краіне, у нас усе гэтую гусь круцяць8
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5656
Каментары