U Kurskaj vobłaści ŭkrainskija vajskoŭcy šturmujuć budynak žanočaj kałonii
U vakolicach kałonii iduć žorstkija bai.
Padčas svajho prasoŭvańnia ŭ Kurskaj vobłaści ŭkrainskaja armija vyjšła da žanočaj kałonii, za jakuju ciapier iduć žorstkija bai, piša Bild.
U vioscy Małaja Łoknia, za 14 kiłamietraŭ ad ukrainskaj miažy, rasijskija vajskoŭcy pieratvaryli žanočuju papraŭčuju kałoniju №11 u krepaść i akazvajuć žorstki supraciŭ USU. Jak miarkujecca, u abaronie ŭstanovy ŭdzielničajuć navat achoŭniki kałonii.
Z 2011 hoda ŭ kałonii ŭtrymlivajucca 203 asudžanyja złačyncy, prysudžanyja da terminaŭ ad 10 da 20 hadoŭ pazbaŭleńnia voli.
Pry hetym niekalki dziasiatkaŭ rasijskich sałdat zamacavalisia vakoł kałonii, uźviali barykady i vykarystoŭvajuć vartavyja vyški turmy jak ahniavyja pazicyi, a masiŭnyja budynki — jak abaronu ad ukrainskich napadaŭ.
Ukrainskija vajskoŭcy, u svaju čarhu, abstrelvajuć abaroncaŭ z bajavych mašyn piachoty Marder niamieckaj vytvorčaści, a taksama atakujuć bieśpiłotnikami vartavuju viežu la ŭvachodu ŭ žanočuju kałoniju.
Rasijskija vajskovyja błohiery paćviardžajuć, što Małaja Łoknia była amal całkam akružanaja ŭkrainskimi padraździaleńniami, ale ŭnutry kompleksu sałdaty US RF praciahvajuć trymać abaronu. Minabarony RF paviedamlaje, što ŭsie ataki ŭkrainskich vojskaŭ na Małuju Łokniu byli adbityja.
Pakul što niezrazumieła, kolki źniavolenych usio jašče ŭtrymlivajecca ŭ žanočaj kałonii ŭ Małoj Łokni.
-
ZŠA abiacajuć pavialičyć pastaŭki zbroi Ukrainie, ale nastojvajuć na «samaabaronie Jeŭropy» ŭžo da 2027 hoda
-
Rasijanie masiravanym udaram atakavali Kremienčuh: u horadzie źnikli elektryčnaść, vada i aciapleńnie
-
Častka Biełharada zastałasia bieź śviatła paśla taho, jak na horad upała rasijskaja bomba
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy14
Kamientary