U Jerevanie pa biełaruskim zapycie zatrymlivali błohiera Aleksandra Łapšyna
Pra toje, što ŭ jaho źjavilisia prablemy ŭ jerevanskim aeraporcie «Zvartnoc», napisaŭ sam Alaksandr Łapšyn u fejsbuku. Pavodle jaho pieršapačatkovaha paviedamleńnia, adbyłosia heta pa padstavie zapytaŭ z Azierbajdžana i Rasii, ale paśla vyśvietliłasia, što ŭ spravie jość biełaruski śled, piša newsarmenia.am.
Armianski pravaabaronca Rubien Mielikian, jaki adrazu ž adreahavaŭ na situacyju, paviedamiŭ, što Łapšyna vyzvalili praź niekalki hadzin. Supracoŭniki miascovaj palicyi rastłumačyli, što zatrymańnie adbyłosia pa patrabavańni Biełarusi i što heta było nieparazumieńniem.
Hienieralnaja prakuratura Armienii paćvierdziła, što Łapšyn sapraŭdy byŭ zatrymany z-za zapytu ź Biełarusi, ale paśla prakuror vusna rasparadziŭsia jaho nie aryštoŭvać.
Najbolš pikantnaje ŭ hetym toje, što błohier-padarožnik Alaksandr Łapšyn, hramadzianin Rasii i Izraila, u 2016 hodzie byŭ zatrymany ŭ Minsku pa zapycie Azierbajdžana za naviedvańnie Nahornaha Karabacha. Paśla taho jon byŭ ekstradavany ŭ Azierbajdžan, byŭ tam asudžany na try hady, ale paśla pamiłavany i adpraŭleny ŭ Izrail.
U 2021 hodzie Jeŭrapiejski sud pa pravach čałavieka pryznaŭ Azierbajdžan vinavatym u sprobie zabojstva i žorstkich katavańniach Łapšyna ŭ turmie.
Błohier Łapšyn u Jerevanie sustreŭsia z pasłom Biełarusi Kaniukom, jaki raniej vydaŭ jaho Azierbajdžanu
Błohier Łapšyn zajaviŭ, što tajamniča atrymaŭ kampramat suprać Biełarusi. Hienprakuratura piarečyć
Były palitviazień Andrej Bandarenka: Uspaminy błohiera Łapšyna — paklop na Vaładarku
Błohier Łapšyn śćviardžaje, što na Vaładarcy achoŭniki źviartalisia da jaho «rusiš švajne»
Błohier Łapšyn miesiac pravioŭ u adnoj kamiery ź Jurkojciem: «Aleś — adzin z najlepšych ludziej, što ja viedaŭ u žyćci»
Ekstradavany ź Biełarusi błohier Łapšyn raskazaŭ, jak jaho sprabavali zabić u turmie ŭ Azierbajdžanie
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary