Luboŭ Uśpienskaja zajaviła, što jaje dačku skrali i prymusili dać praŭkrainskaje intervju za toje, što śpiavačka padtrymlivaje vajnu
Dačku rasijskaj śpiavački Lubovi Uśpienskaj vyvieźli ŭ inšuju krainu, nakačali narkotykami i prymusili dać intervju, u jakim jana dyskredytuje svaju maci i jaje prarasijskuju pazicyju. Takuju historyju «Bazie» raspaviała advakat śpiavački — Alena Sienina.
Sienina paviedamiła, što Taćciana Płaksina (tak zavuć dačku śpiavački) maje narkazaležnaść, ale znachodziłasia «ŭ zaviazcy». «Pakul Luboŭ Uśpienskaja była na hastrolach, pravakatary z Ukrainy vyjšli na Taćcianu, padsadzili na narkotyki, kupili kvitok u inšuju krainu i vyvieźli jaje», — śćviardžaje Sienina.
Sa słoŭ advakata Uśpienskaj, u inšaj krainie «ŭkraincy, vykarystoŭvajučy narkotyki, prymusili dačku śpiavački dać intervju pad dyktoŭku i dyskredytavać maci i prarasijskuju pazicyju śpiavački. Hetyja intervju pakul nie vyjšli, ale bok Uśpienskaj čakaje ich u chutkim časie».
Alena Sienina śćviardžaje, što «hałoŭnaja meta ŭkrainskich ašukancaŭ nie dačka śpiavački, a sama Luboŭ Uśpienskaja, bo jana naradziłasia ŭ Kijevie i adkryta padtrymlivaje palityku Rasii ŭ dačynieńni da Ukrainy».
Taksama Uśpienskaja davała kancerty na akupavanych ukrainskich terytoryjach — u tak zvanych «DNR» i «ŁNR».
Sa słoŭ advakata, miescaznachodžańnie Taćciany Płaksinaj viadomaje. Pa fakcie źniknieńnia dački Lubovi Uśpienskaj padadziena zajava ŭ FSB.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary
Adzin zajaŭlaŭ, što nie napadzie na Ukrainu.
Jak napaŭ i adhrab, pačaŭ zajaŭlać, što na jaho źbiralisia napaści z 4 miescaŭ.
Ciapier užo nikomu nie zrazumieła što jon zajaŭlaje.