Любоў Успенская заявіла, што яе дачку скралі і прымусілі даць праўкраінскае інтэрв'ю за тое, што спявачка падтрымлівае вайну
Дачку расійскай спявачкі Любові Успенскай вывезлі ў іншую краіну, накачалі наркотыкамі і прымусілі даць інтэрв'ю, у якім яна дыскрэдытуе сваю маці і яе прарасійскую пазіцыю. Такую гісторыю «Базе» распавяла адвакат спявачкі — Алена Сеніна.
Сеніна паведаміла, што Таццяна Плаксіна (так завуць дачку спявачкі) мае нарказалежнасць, але знаходзілася «ў завязцы». «Пакуль Любоў Успенская была на гастролях, правакатары з Украіны выйшлі на Таццяну, падсадзілі на наркотыкі, купілі квіток у іншую краіну і вывезлі яе», — сцвярджае Сеніна.
Са слоў адваката Успенскай, у іншай краіне «ўкраінцы, выкарыстоўваючы наркотыкі, прымусілі дачку спявачкі даць інтэрв'ю пад дыктоўку і дыскрэдытаваць маці і прарасійскую пазіцыю спявачкі. Гэтыя інтэрв'ю пакуль не выйшлі, але бок Успенскай чакае іх у хуткім часе».
Алена Сеніна сцвярджае, што «галоўная мэта ўкраінскіх ашуканцаў не дачка спявачкі, а сама Любоў Успенская, бо яна нарадзілася ў Кіеве і адкрыта падтрымлівае палітыку Расіі ў дачыненні да Украіны».
Таксама Успенская давала канцэрты на акупаваных украінскіх тэрыторыях — у так званых «ДНР» і «ЛНР».
Са слоў адваката, месцазнаходжанне Таццяны Плаксінай вядомае. Па факце знікнення дачкі Любові Успенскай пададзена заява ў ФСБ.
Цяпер чытаюць
18‑гадовага хлопца абвінавацілі ў адмаўленні генацыду беларускага народа7
Каментары
Адзін заяўляў, што не нападзе на Украіну.
Як напаў і адграб, пачаў заяўляць, што на яго збіраліся напасці з 4 месцаў.
Цяпер ужо нікому не зразумела што ён заяўляе.