Žycharoŭ rasijskich rehijonaŭ masava vystrojvali ŭ nadpisy ŭ honar 72-hodździa Pucina
U Rasii prajšli mierapryjemstvy, pryśviečanyja dniu naradžeńnia prezidenta Uładzimira Pucina, jakoje prypadaje na 7 kastryčnika. U ich ramkach ludziej zhaniali na płoščy i vystrojvali ŭ prynahodnyja słovy i fihury. Samyja maštabnyja akcyi prajšli ŭ Maskvie i Pieciarburhu, piša The Moscow Times.
U Maskvie dla vinšavańnia Pucina aktyvisty «Maładoj hvardyi Adzinaj Rasii» zadziejničali 5 tysiač čałaviek, jakija vystrailisia ŭ nadpis «S Dniom Roždienija, priezidient» na VDNH.
Vyznačyłasia i partyja «Adzinaja Rasija». Jaje členy prymusili vystrojvacca ŭ fihuru ź imiem Pucina vučniaŭ pačatkovych kłasaŭ adnoj sa škoł u Rastoŭskaj vobłaści.
Taksama prymusili takim čynam vystrojvacca žycharoŭ, studentaŭ i školnikaŭ akupavanaj častki Chiersonskaj vobłaści (Novaalaksiejeŭka), Čuvašyi (Cyvilsk), Prymorskaha kraju (Arciom), Samary i Maskoŭskaj vobłaści (Tałdam).
Darečy, u 2024 hodzie Pucin atrymaŭ najmienšuju kolkaść vinšavańniaŭ ad zamiežnych kiraŭnikoŭ dziaržaŭ z pačatku vajny va Ukrainie, piša vydanńnie «Ahientstvo» paśla analizu paviedamleńniaŭ pres-słužby Kramla.
Usiaho z 72-hodździem Pucina pavinšavali vosiem zamiežnych lidaraŭ: prezident Nikarahua Daniel Arteha, prezident Turkmienistana Sierdar Bierdymuchamiedaŭ, premjer-ministr Armienii Nikoł Pašynian, prezident Turcyi Redžep Taip Erdahan, prezident Centralna-Afrykanskaj Respubliki Fasten-Arkanž Tuadera, prezident Kazachstana Kasym-Žamart Takajeŭ, karol Bachrejna šejch Chamad bien Isa Al Chalifa i Alaksandr Łukašenka.
Z suśvietnych lidaraŭ praz telefon Pucinu asabista pazvaniŭ tolki prezident Turcyi Redžep Taip Erdahan, astatnija abmiežavalisia telehramami. Łukašenka ž, jak viadoma, palacieŭ siońnia ŭ Maskvu asabista.
Jaŭhien Bury z ABBA raskazaŭ, kolki jaho biznes-asacyjacyja atrymała ad Jeŭrasajuza i na što patraciła25
Kamientary
A raspaviadzicie mnie, šychtavałasia ŭ "72 hady leninhradzkamu karuźliku" sacyjalnaja hrupa biudžetniki ci sacyjalnaja hrupa pryvatniki, ha??