18 kastryčnika pamior słynny biełaruski movaznaviec, doktar fiłałahičnych navuk, prafiesar Hienadź Cychun. Jamu było 87 hadoŭ.
Hienadź Cychun naradziŭsia 30 kastryčnika 1936 hodzie ŭ v. Kuncaŭščyna pad Hrodna, byŭ synam paeta Apanasa Cychuna.
Skončyŭ adździaleńnie słavianskaj fiłałohii Leninhradskaha dziaržaŭnaha ŭniviersiteta pa śpiecyjalnaści «Fiłołah. Vykładčyk bałharskaj movy i litaratury» (1958). Vučyŭsia ŭ aśpirantury na kafiedry słavianskaj fiłałohii Leninhradskaha ŭniviersiteta, stažyravaŭsia ŭ Safijskim univiersitecie.
Zatym pracavaŭ u Instytucie movaznaŭstva Akademii navuk Biełarusi. U 1982 abaraniŭ doktarskuju dysiertacyju «Typałahičnaja prablema bałkana-słavianskaha moŭnaha areału». 3 1990 hoda byŭ zahadčykam adździeła słavianskaha i tearetyčnaha movaznaŭstva Instytuta movaznaŭstva.
U 1991—1993 hh. byŭ staršynioj Kamisii pa ŭdaskanaleńni pravapisu Tavarystva biełaruskaj movy imia F. Skaryny. U 1993—1994 pracavaŭ u składzie Dziaržaŭnaj kamisii pa ŭdakładnieńni pravapisu biełaruskaj movy.
Navukovyja intaresy: etymałohija, bałkanistyka, arealnaja linhvistyka, historyja słavistyki. Słavistyčnyja intaresy spałučaŭ z daśledavańniami ŭ halinie biełaruskaj movy dy inš., napisaŭ šmat prac.
Tak, u pracy «Arealnyja aśpiekty farmiravańnia słavianskich litaraturnych moŭ» (1993) razhladaŭ prablemu arealnaj bazy biełaruskaj litaraturnaj movy na fonie inšych słavianskich moŭ.
Jon mieŭ bolš za 300 publikacyjaŭ pa typałohii słavianskich moŭ i ich suviaziach, moŭnych sajuzach, havorkach Paleśsia i prablemie prasłavianskaj movy, pa biełaruskaj etymałohii i dyjalektnaj movie, historyi i biblijahrafii biełaruskaj movaznaŭčaj słavistyki.
-
«Bolš za hod Śviatłana ciažka chvareła, ale navat padčas chvaroby nie skardziłasia» — Katynski muziej adhuknuŭsia na śmierć Śviatłany Kurs
-
U postapakaliptyčnym viesternie Guns of Eschaton budzie biełaruskaja mova. Łakalizacyju prafinansavali dva biełarusy
-
U Narviehii adkryli novy miemaryjał achviaram teraktaŭ Brejvika. Na im — kulik z kamianioŭ
Ciapier čytajuć
Łukašenka paraiŭ uźbiekam šukać vialikija hrošy ŭ Rasii4
Łukašenka paraiŭ uźbiekam šukać vialikija hrošy ŭ Rasii
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary