Sioleta adzin z samych papularnych biełaruskich hurtoŭ J:mors śviatkuje 25-hodździe. Adznačyć jaho kalektyŭ na scenie — vialikim elektryčnym kancertam 2 listapada ŭ Varšavie.
Pieršyja chity J:mors byli napisanyja pa-rusku, ale ź ciaham času ŭ repiertuary hrupy pačało źjaŭlacca ŭsio bolš biełaruskamoŭnych piesień. Da jubileju my zhadvajem top trekaŭ muzykaŭ pa-biełarusku.
Pieśnia «Žyvi» — častka alboma «Basanož pa mastavoj», prezientavanaha publicy ŭ 2006 hodzie. Siaredzina nulavych atrymałasia dla hurta supierpraduktyŭnaj: jany paśpiachova zładzili tur pa krainie, atrymali premiju «Praryŭ hoda» ad Pieršaha muzyčnaha kanała i pieramahli ŭ hałoŭnaj naminacyi «Rok-karanacyi — 2005», staŭšy «hrupaj hoda». Albom «Basanož pa mastavoj» razychodziŭsia vialikim tyražom.
Pieśnia «Žyvi», pa pryznańni samoha Uładzimira Puhača, adna ź jaho lubimych u repiertuary. «Kali prydumlaješ pieśniu, zaŭsiody łoviš niejki stan i sprabuješ jaho pieradać. Časam jaho vielmi składana ŭtrymać u sabie doŭha i ŭ vyniku pieśni pišucca praciahły čas. Tak było, naprykład, z «Nie pamiraj». A voś z «Žyvi», naadvarot — prydumałasia na adnoj emocyi ciaham piaci chvilin. Lublu jaje», — dzialiŭsia artyst u instahramie.
Svoj pieršy całkam biełaruskamoŭny albom pad nazvaj «Adlehłaść» hurt vypuściŭ u 2007 hodzie. Na pres-kanfierencyi, pryśviečanaj prezientacyi, Uładzimir Puhač raskazvaŭ, što ideja zapisać albom pa-biełarusku źjaviłasia ŭ kalektyvu paśla zvarotaŭ hledačoŭ na kancertach. Dadatkovym matyvam pasłužyła žadańnie dakazać i sabie, i inšym, što biełaruskamoŭnaja muzyka taksama moža być papularnaj.
U vyniku adrazu niekalki piesień adtul zrabilisia supierchitami. U tym liku, naprykład, raniej užo hučaŭšaja pa-rusku pieśnia «Majo sonca». Z ruskaj movy jaje pierakłaŭ muzyka i kampazitar Raman Arłoŭ.
A chit «Biełaruskaje zołata» adtul, staŭšy adnym z samych paznavalnych dla hurta, u svoj čas byŭ zapisany razam z prezidenckim arkiestram.
Hety trek, natchniony padziejami leta-2020, Uładzimir Puhač zapisaŭ u duecie ź Lavonam Volskim. Jon staŭ svojeasablivym adkazam na raniejšuju supracu artystaŭ u stvareńni pieśni «Takoha niama nidzie» pa šturšku Volskaha.
Dla čarhovaj kałabaracyi inicyjataram vystupiŭ užo Uładzimir Puhač, napisaŭšy novuju pieśniu «na adnym dychańni».
Jašče adna biełaruskamoŭnaja pieśnia, vypuščanaja ŭ 2020 hodzie ŭ albomie «Zdravstvuj,». Ź jaho prezientacyjaj hurt paśpieŭ vystupić u Minsku ŭ 2021 hodzie ŭ Prime Hall — heta byŭ vialiki kancert paśla karanavirusnaha zacišša, tradycyjna na 14 lutaha. Arhanizoŭvać imprezy na Dzień zakachanych — dobraja tradycyja J:mors, i mnohija pary ŭ jakaści padarunkaŭ na hety dzień daryli partnioram mienavita kvitki na ich kancert.
Praz hod muzyki navat nie sprabavali ŭžo ładzić kancert u Biełarusi, uličvajučy prablemy ź placoŭkami dla «niadobranadziejnych» artystaŭ, jakija tolki abvastrylisia. Z pačatkam ža poŭnamaštabnaj vajny va Ukrainie Uładzimir Puhač źjechaŭ ź Biełarusi.
Zhadajem jašče adzin sa śviežych sinhłaŭ, vypuščany ŭ biahučym hodzie. Heta pieśnia-napamin, što navat samyja zvyčajnyja dziejańni sa znakam plus — heta ŭžo kluč da mahčymych pieramien.
«Jak by ni było ciažka, jakija b pieraškody nie sustrakalisia na šlachu, jakim by zmročnym časam nie zdavałasia žyćcio — trymajsia, uśmichajsia, idzi napierad razam z takimi ž, jak ty. Sprabuj źmianiać siabie, pakrysie mianiajučy śviet vakoł. Heta i jość naša zbroja», — tłumačyli aŭtary ideju pieśni «Zbroja».
A jakaja vaša pieśnia J:mors samaja lubimaja?
Kamientary