Maryna Mientusava raskazała pra razryŭ z mužčynam. Pryčyna vas ździvić

Maryna raskazvaje, što niadaŭna jana ŭpieršyniu z časoŭ razvodu vyrašyła ŭstupić u adnosiny. Jana pačała sustrakacca z palakam: «Zdajecca, amal Jeŭropa, čałaviek prahresiŭny — vada mokraja, trava zialonaja, žančyn hvałcić nielha». 

U pačatku adnosinaŭ para surjozna pahutaryła pra asabistyja miežy, i Maryna kaža, što tady abaraniła peŭnyja važnyja dla jaje rečy — mahčymaść svabodna vieści sacsietki, nasić čyrvonyja sukienki i publikavać u siecivie adkrytyja foty, u tym liku ź jahadzicami. 

Tym nie mienš, raz na tydzień Maryna zaŭvažała z boku mužčyny dziejańni, jakija možna było ličyć čyrvonymi ściažkami, ale toj prasiŭ prabačeńnia i adnosiny praciahvalisia. Naprykład, jon sprabavaŭ abmiežavać Marynu ŭ tym, što jana publikuje ŭ instahramie, u tym liku prymusić admovicca ad adkrytych fota ŭ siecivie, a taksama šmat pytaŭsia pra kolkaść pałavych partnioraŭ u žančyny. 

Viadučaja pryvodzić jašče niekalki cytat byłoha, jakija, jak jana ciapier razumieje, musili jaje naściarožyć. Naprykład, kali jana źbirałasia na sustreču z kimści, były pytaŭsia, z kim hetaja sustreča — z mužčynam ci žančynaj. Taksama jon ličyŭ, što žančyny, jakija publikujuć niudsy, pradajuć siabie, i kazaŭ: maŭlaŭ, ja viedaju, nakolki ja dobry i što ja mahu prapanavać.

Ale adnosiny ŭsio roŭna vyhladali fajnymi, piša Maryna:

«Pry hetym čałaviek kazaŭ pra niejkaje varjackaje kachańnie i pra toje, što ja najlepšaja ŭ śviecie, što jon choča sa mnoj siamju i nikoli nikoha nie raŭnavaŭ. Heta takaja dyjamientavaja łokšyna, što ja paviałasia i absalutna zabyła pravieryć — jon u mianie zakachany ci ŭ tuju viersiju mianie, jakuju sam sabie prydumaŭ.

Bo realnaja viersija mianie časam tančyć na barnych stojkach i pościć zadziorystuju d*pu ŭ tvitar, heta nie admianiaje jaje zdolnaści kachać, być viernaj, razumnaj, talenavitaj i ŭsialakaj inšaj. Ale heta nie moža być vyklučana jak niešta nielikvidnaje — hetyja 10% duraści całkam maje».

Skončyłasia tym, što palak vyrašyŭ razarvać adnosiny z Marynaj i matyvavaŭ heta tym, što jana publikavała ŭ siecivie kadry sa svaimi jahadzicami. Žančyna z humaram piša, što ŭsie vysnovy z hetaj situacyi jašče nie zrabiła, ale vyrašyła publikavać takija zdymki jašče čaściej, kab zahadzia adsiejvać mužčyn z pohladami, jak u jaje byłoha, bo «asabistyja miežy — heta baza».

Tred Mientusavaj sabraŭ bolš za 350 tysiač prahladaŭ i z sotniu kamientaroŭ. Amal usie karystalniki asudžajuć mužčynu — maŭlaŭ, straciŭ šykoŭnuju kabietu, jamu ž budzie horš.

• 16
• 11
• 25
• 64
• 2
• 2
• 3
• 3