ZŠA mohuć pryznać praterminavanyja pašparty Biełarusi i nadać biełarusam status časovaj abarony — novy zakonaprajekt
Na sajcie Kanhresa ZŠA apublikavany zakonaprajekt S.5116, «Bridge Act», uniesieny sienataram Biendžaminam Kardzinam.
Dakumient pad pracoŭnaj nazvaj Belarus and Russia Investments in Democratic Governance during Exile Act prapanuje važnyja miery padtrymki hramadzian Biełarusi i Rasii, jakija byli vymušanyja pakinuć svaje krainy z-za palityčnych represij i vajny.
Šerah raździełaŭ hetaha zakonaprajekta pryśviečany dapamozie biełarusam, jakija akazalisia ŭ vyhnańni, źviartaje ŭvahu Motolkohelp.
Pryznańnie praterminavanych pašpartoŭ
Prajekt praduhledžvaje, što ZŠA buduć pryznavać praterminavanyja biełaruskija pašparty prydatnymi dla pajezdak u Štaty i ŭstavić vizy ŭ takija dakumienty.
Hramadzian Biełarusi prapanujuć pryznać asobami «biazdomnaj nacyjanalnaści» — heta značyć ludźmi, jakija nie majuć mahčymaści źviarnucca pa vizu ŭ Biełarusi, i tamu atrymlivajuć prava padavać zajavu na nieimihracyjnyja i imihracyjnyja vizy ŭ inšych krainach.
Časovaja abarona (TPS)
Zakonaprajekt praduhledžvaje mahčymaść nadańnia biełarusam statusu časovaj abarony (Temporary Protected Status, TPS). Hety status daje prava žyć i pracavać u ZŠA na peŭny pieryjad i moža być padadzieny na asnovie indyvidualnaj zajavy.
Akramia hetaha, zakonaprajekt S.5116 prapanuje, kab ZŠA zaklikali Jeŭrakamisiju vydavać biełarusam, jakija znachodziacca ŭ vyhnańni, jurydyčnyja dakumienty dla mižnarodnych pajezdak.
Na jakoj stadyi zakonaprajekt?
Pavodle infarmacyi na sajcie Kanhresa, zakonaprajekt S.5116 byŭ uniesieny ŭ Sienat 19 vieraśnia 2024 hoda, paśla čaho prajšoŭ dva čytańni i byŭ nakiravany ŭ Kamitet pa zamiežnych spravach dla dalejšaha razhladu.
-
Usich sałdat Asada, jakija ŭciakli ŭ Irak, addali nazad novym uładam Siryi
-
«Siryja pakazvaje, što Rasija nie niepieramožnaja». Hałoŭnaja dypłamatka ES vykazałasia suprać pieramoŭ na ŭmovach Maskvy
-
«Ludzi hinuć, a jamu «cikava»… D*****b». Ukrainskaje kiraŭnictva pry kamientavańni inicyjatyŭ Pucina nie padbiraje słoŭ
Milicyja vypadkova apublikavała VIDEA dla ŭnutranaha karystańnia — instrukcyju, jak treba pavodzić siabie z nasielnictvam3
Kamientary
DŹLA "asoba adaronnych "zrabić vialikimi litarami dadatak ..urad prezidzient Letuvy heta tyčycca vas asabista adkaznasu piersanalnaja źviarnicie Uvahu ..Ale Dudie Tusku taksama dasłać dźla asabistaha atrymańnia
Kab paśla " kansiensus" ni źjaviłsia