Sud pa spravie ab atacy drona na bazu AMAPa ŭ Minsku pačniecca 9 śniežnia
Spravu ŭ Minskim haradskim sudzie budzie razhladać sudździa Michaił Makarevič. Abvinavačanyja — Vital Paciechin i Pavieł Kułaženka, jakija znachodziacca za miažoj, piša «Viasna».
Jak pisaŭ raniej SK, śledstvam ustanoŭleny vykanaŭca terakta, arhanizavanaha 25 vieraśnia 2021 hoda. Pavodle ANT, heta Vital Paciechin. Pavieł Kułažanka nazvany arhanizataram.
Pa materyjałach spravy, Vital Paciechin «pry sadziejničańni niedaśviedčanych kantrabandystaŭ» pieramiaściŭ z Ukrainy dron ź vialikaj hruzapadymalnaściu i na praciahu niekalkich miesiacaŭ vučyŭsia im kiravać. Pavodle SK, u načny čas na terytoryi svajho ŭčastka ŭ Minskim rajonie jon taksama ekśpierymientavaŭ sa składam zapalnaj sumiesi.
Da vykanańnia płanu Paciechin, paviedamlaje SK, prystupiŭ u noč z 24 na 25 vieraśnia.
«Jon zahadzia padrychtavaŭ šlachi adychodu z krainy i vykarystoŭvaŭ miery kanśpiracyi, u tym liku maski i adzieńnie ciomnych koleraŭ biez admietnych prykmiet, pakinuŭ doma mabilny telefon, pryparkavaŭ aŭtamabil u zacišnym miescy, budučy ŭpeŭnienym u svajoj ananimnaści i biespakaranaści», — piša SK.
Z dapamohaj bieśpiłotnika, paviedamlaje śledstva, Paciechin skinuŭ dźvie piacilitrovyja butelki z zapalnaj sumieśsiu na bazu AMAP.
Jakich-niebudź značnych paškodžańniaŭ vybuchi bazie nie nanieśli.
Paciechin ža zdoleŭ uciačy za miažu.
Abvinavačanym inkryminavany šerah artykułaŭ: č. 1 i č. 2 art. 290-4 KK (Stvareńnie arhanizacyi dla ažyćciaŭleńnia terarystyčnaj dziejnaści abo ŭdzieł u joj), č. 1 art. 357 KK (Zmova ci inšyja dziejańni, učynienyja z metaj zachopu dziaržaŭnaj ułady), č. 2 art. 295-3 KK (Niezakonnyja dziejańni ŭ adnosinach da pradmietaŭ, paražajučaje dziejańnie jakich zasnavana na vykarystańni haručych rečyvaŭ), č. 3 art. 289 KK (Akt tieraryzmu), č. 1 i č. 2 art. 290-5 KK (Arhanizacyja dziejnaści terarystyčnaj arhanizacyi i ŭdzieł u dziejnaści takoj arhanizacyi), č. 1 i č. 2 art. 361-4 KK (Sadziejničańnie ekstremisckaj dziejnaści).
Śledstvam nakładzieny aryšt na majomaść fihurantaŭ spravy ahulnym koštam kala 240 tysiač rubloŭ.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy25
Kamientary