Avijakampanija, ź jakoj chacieli zrabić łaŭkost-kankurenta «Biełavija», pradaje adrazu 5 svaich samalotaŭ
Na aŭkcyjonnaj placoŭcy Instytuta nieruchomaści i acenki GosTorg vystavili na tarhi adrazu piać samalotaŭ. Jany naležać AAT «Avijakampanija Hrodna», zaŭvažyła Blizko.by.
Avijakampanija ličycca cyvilnaj, ale pasažyrskich pieravozak jana nikoli nie vykonvała i nie vykonvaje. Choć u dziaržavy byli płany pa vyvadzie jaje na surjoznuju arbitu.
Jašče ŭ 2014 hodzie na bazie hetaj avijakampanii źbiralisia stvaryć bujnoha hulca, jaki budzie kankuravać z «Biełavija». U płanach była kupla 10 štuk «supierdžetaŭ» i start rehularnych rejsaŭ u 2016—m. Pry hetym za ŭvieś 2013 hod avijakampanija atrymała čystaha prybytku ŭ pamiery ŭsiaho 1,5 tysiačy dalaraŭ, a ŭ 2018-m u jaje było ŭžo čystych strat 36 tysiač dalaraŭ.
Da idei viarnulisia ŭ 2020 hodzie zamachnuŭšysia ŭžo na łaŭkost. Tahačasny ministr transpartu i kamunikacyj Alaksiej Aŭramienka ŭ lipieni taho hoda zajaŭlaŭ:
«My zadumalisia pra stvareńnie druhoj biełaruskaj kampanii, bolš biudžetnaj. Dla raźvićcia kankurencyi i pieravozak pasažyraŭ. Skažam, u pieršuju čarhu hrodzienski kirunak razhladajem, aeraport Hrodna, «Avijakampanija Hrodna». Tamu ŭ najbližejšy čas budziem prymać rašeńnie pa raźvićci hetaha vidu pieravozak».
Ale ni łaŭkosta, ni ŭvohule jakoj-niebudź pasažyrskaj avijakampanii z rehularnymi rejsami zrabić u biełaruskaj ułady nie atrymałasia, a paśla 2021 hoda stała bolš aktualnym vyžyvańnie choć by «Biełavija».
Ciapier na tarhi vystaŭlena adrazu piać samalotaŭ «Avijakampanii Hrodna» z rehistracyjnymi znakami EW-62618, EW-84727, EW-43952, EW-07428, EW-33583. Usie piać — bipłany An-2, taksama nazvanyja «kukuruźnikami», vypuščanyja z 1973 pa 1988 hady. Usie ŭkamplektavanyja ruchavikami i šrubami.
Usie łoty znachodziacca na terytoryi Hrodzienskaha aeraporta. Ceny na samaloty ŭstanoŭlenyja ŭ pamiery ad 69 360 da 83 760 rubloŭ. Krok aŭkcyjonu składaje 5% ad pačatkovaj sumy. Akramia taho, pieramožca pavinien vypłać ŭznaharodžańnie apierataru tarhoŭ u pamiery ad 6% da 8% ad vynikovaj cany łota (u roznych łotaŭ staŭka roznaja).
Takim čynam, łot z samym nizkim pačatkovym ceńnikam abyjdziecca pakupniku minimum u 78 654 rubla, a z samym vysokim startavym ceńnikam — u 93 225 rubloŭ. Usie piać samalotaŭ paciahnuć na sumu minimum 440 647 rubloŭ, abo prykładna 123 534 dalary. Taksama za dadatkovuju sumu (startavaja cana 47 760 rubloŭ) možna kupić jašče adzin ruchavik AŠ-62IR.
Tarhi pa kožnym łocie asobna adbuducca 30 śniežnia 2024 hoda z 9:00.
«U metach ekanomii samaloty absłuhoŭvali sami». Što viadoma pra avijakampaniju «Hrodna», čyj samalot raźbiŭsia ŭ Rasii?
Rasijski tyktokier, jaki razdražniaŭ biełarusaŭ, palacieŭ ź Minska. Ščaślivy, bo zmoh paskandalić u aeraporcie z «Biełavija»
«Biełavija» patłumačyła, čamu ŭčora jaje samalot nie dalacieŭ da Kalininhrada
Biełaruskaja prapahanda pabajałasia pakazać, što Vieramiejčyka vyvozili samalotami «Biełavija» i «Aerafłota»
Čamu ŭ «Biełavija» mała rasprodažaŭ i ci apraŭdaŭ siabie rejs u Indyju
Byŭ «tankalot», a ciapier źjaviŭsia «Dynamalot»: bort «Biełavija» budzie latać u liŭrei chakiejnaha «Dynama»
Apošni kanadski samalot «Biełavija» nichto nie kupiŭ — canu źmienšyli
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3131
Kamientary