Kultura88

Jak vyhladaje samy pryhožy kampjutarny kłas u Biełarusi FOTY

Interjer adnaho z vučebnych kłasaŭ kaledža ŭ Babrujsku adroźnivajecca niezvyčajnym afarmleńniem.

Dekaratyŭnaja panel u kampjutarnym kłasie kaledža. Fota z sacsietak.

Fotazdymki niezvyčajnaha kłasa apublikavali ŭ sacsietkach. Cełuju ścianu kampjutarnaha kłasa ŭ Babrujskim dziaržaŭnym kaledžy imia A. Ja. Łaryna zajmaje draŭlanaja dekaratyŭnaja panel. 

Panel była zroblena ŭ 1980-ja navučencami tady jašče mastackaha prafiesijna-techničnaha vučylišča №15 pad kiraŭnictvam Anatola Koncuba. Koncub, bolš viadomy svaimi pracami ŭ kieramicy, pačaŭ vykładać va ŭstanovie adrazu paśla skančeńnia Biełaruskaha teatralna-mastackaha instytuta ŭ 1971 hodzie. 

Panel aformlena raźboj, čatyry fihury simvalizujuć roznyja vidy mastactva i ramiastva. Paŭkruhłyja zaviaršeńni miedaljonaŭ stvarajuć iluziju arkady, jakaja nibyta adkryvaje vid na znakamityja krajavidy.

Hetyja miedaljony, try vialikija i vosiem małych, — hałoŭnaja admietnaść paneli. U ich źmieščany malavanyja vyjavy viadomych pomnikaŭ architektury z roznych častak śvietu.

Hałoŭnyja miedaljony adlustroŭvajuć Synkavickuju carkvu, Kižy i Rejmski sabor. Fota z sacsietak

Siarod hałoŭnych miedaljonaŭ centralnaje miesca zajmaje vyjava Kižskaha pahosta na Aniežskim voziery ŭ Rasii, jaki składajecca ź dźviuch cerkvaŭ i zvanicy XVIII—XIX stahodździaŭ.

Sprava ad jaho miedaljon z vyjavaj Rejmskaha sabora XIII stahodździa, viaršyniaj francuzskaj hotyki. U hetym sabory karanavalisia amal usie manarchi Francyi. 

Źleva źmieščany jašče adzin pomnik hotyki, ale ŭžo biełaruskaj — abarončaja Synkavickaja carkva, pabudavanaja ŭ pačatku XVI stahodździa. Praŭda, heta adziny pomnik architektury Biełarusi, jaki atrymaŭ miesca na paneli — pałova małych miedaljonaŭ pryśviečana architektury Rasii.

Pałova małych miedaljonaŭ pryśviečany architektury Rasii. Fota z sacsietak.

Siarod rasijskich pomnikaŭ tut namalavanyja carkva Pakrova na Nierli va Uładzimiraŭskaj vobłaści, sabor Pakrova, što na Rvu (Sabor Vasila Błažennaha) i maŭzalej Lenina na Krasnaj płoščy ŭ Maskvie, a taksama Isakijeŭski sabor u Leninhradzie.

Z suśvietnych słavutaściaŭ dla paneli ŭ kaledžy vybrany sabor Śviatoha Piatra ŭ Rymie, akropal u Afinach, maŭzalej-miačeć Tadž-Machał i Rakfieleraŭski centr u Ńju-Jorku.

Hetaja mastackaja panel choć i robić kampjutarny kłas kaledža adroznym ad tysiač inšych, ale moža jak šmat jakaja savieckaja dekaratyŭnaja spadčyna cicha źniknuć pad naciskam jeŭraramontu. Vidavočcy adznačajuć, što anałahičnyja tvory, stvoranyja dla muziejaŭ u kaledžy, užo biasśledna źnikli.

«Naša Niva» — bastyjon biełaruščyny

PADTRYMAĆ

Kamientary8

  • II
    30.01.2025
    a navošta zaraz kamputarnyja kłasy?
  • kisa
    30.01.2025
    Praŭda, heta adziny pomnik architektury Biełarusi, jaki atrymaŭ miesca na paneli
    ...
    i heta dziva dziŭnaje... što znajšłosia miesta biełaruskamu pomniku siarod takoj...
    lapaty
  • Imia
    30.01.2025
    Žałko, čto kartinku prikrutiť nie mohu. Dumaju, mnohije znajut miem: "Pravosłavnyj Čieburniet"))
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, chto ŭznačaliŭ minski AMAP zamiest Bałaby. Heta skandalny hieroj telefonnych źlivaŭ3

Stała viadoma, chto ŭznačaliŭ minski AMAP zamiest Bałaby. Heta skandalny hieroj telefonnych źlivaŭ

Usie naviny →
Usie naviny

Pet Shop Boys vypuścili pieśniu ŭ pamiać Alaksieja Navalnaha. Jana śpiavajecca na manier rasijskaha himna

Stała viadoma, kali ŭ škołach praźviniać apošnija zvanki i projduć vypusknyja1

U 43 hady pamior biełaruski doktar z «chvarobaj Styviena Chokinha» Uładzimir Čuksin

U historyi amierykanca, jaki špijoniŭ va Ukrainie ŭ intaresach rasijskaj armii, źjaviŭsia biełaruski śled2

«Zialenski spaŭ»: Tramp zajaŭlaje, što ŭ Kijevie hruba abyšlisia ź jaho ministram finansaŭ, jaki pryvioz prajekt pahadnieńnia pra nietry19

Treciaja žonka Arastoviča padała na razvod17

U minskim mietro zatrymali pasažyra z patronam i psichatropami1

Staŭ viadomy prysud biznesoŭcu, u jakoha znajšli $1 miljon za chaładzilnikam2

Lidary AdH: Vajna va Ukrainie nie tyčycca Hiermanii3

bolš čytanych navin
bolš łajkanych navin

Stała viadoma, chto ŭznačaliŭ minski AMAP zamiest Bałaby. Heta skandalny hieroj telefonnych źlivaŭ3

Stała viadoma, chto ŭznačaliŭ minski AMAP zamiest Bałaby. Heta skandalny hieroj telefonnych źlivaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić