Naprykład, try čverci afraamierykancaŭ pierad snom hladziać na praciahu hadziny televizar. Lepš za ŭsio śpicca žycharam Azii.
Praviedzienaje National Sleep Foundation daśledavańnie hruntujecca na tym, jak ludzi roznych etničnych hrupaŭ śpiać. Akazvajecca, jany robiać heta vielmi pa‑roznamu.
Try čverci afraamierykancaŭ pierad snom hladziać na praciahu hadziny televizar, a 71% apytanych afraamierykancaŭ zajavili, što molacca, kładučysia spać. Pry hetym, tolki 18% amierykancaŭ azijackaha pachodžańnia, adna tracina biełych amierykancaŭ i mienš za pałovu pradstaŭnikoŭ ispanamoŭnych narodaŭ zajavili pra toje, što molacca pierad snom.
Adzin z 10 afraamierykancaŭ i pradstaŭnikoŭ ispanamoŭnych narodaŭ skazaŭ, što kožnuju noč pierad snom zajmajecca seksam. Heta, darečy, u 2,5 razu bolš, čym u biełaha nasielnictva, i ŭ 10 razoŭ bolš, čym u azijackich narodnaściej.
Zatoje lepš za ŭsich śpicca vychadcam z Azii, pryčym, biez snatvornaha.
Tolki zredku jany źviartajucca da śpiecyjalnaj miedytacyi, usiaho niekalki načej za tydzień. A voś 13% pradstaŭnikoŭ biełaha nasielnictva, 9% čornaha i 8% ispanamoŭnaj nie hrebujuć miedytacyjaj.
Pradstaŭniki ispanamoŭnych narodaŭ i čornaje nasielnictva čaściej za ŭsio nie mahli zasnuć z pryčyny tryvohaŭ nakont hrošaj, asabistych prablem, pracy dy inšaha. Heta niedzie 38%.
Jašče statystyka: čaściej za ŭsio z žyviołami śpiać jeŭrapiejcy (14%). A azijaty čaściej śpiać u adnoj pakoi ź dziećmi (28%). Dla paraŭnańnia ŭ adnym pakoi ź dziećmi śpić tolki 8% jeŭrapiejcaŭ.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA5
Kamientary