Fashion-šou na Dzień Salidarnaści
Na Kastryčnickaj płoščy adbyŭsia premjerny pakaz błakitnych kamzelek.
Na Kastryčnickaj płoščy adbyŭsia premjerny pakaz błakitnych kamzelek: upieršyniu masavuju akcyju supravadžali pres-aficery. Adkaznaja rola pieršaha pres-aficera ŭ historyi biełaruskaj milicyi vypała presavamu sakrataru HUUS Minharvykankama Alaksandru Łastoŭskamu. Ale akcyja zaśviedčyła, što pres-aficery na praktycy vykonvajuć dosyć aryhinalnuju funkcyju. Jany nie tolki achvotna dajuć kamientary žurnalistam (na biaśpiečnaj addalenaści ad miesca padziejaŭ), ale i słužać admysłovaj «vyspaj biaśpieki». Maŭlaŭ, kali žurnalisty na akcyjach adychodziać ad ludziej u błakitnych kamizelkach — to sami vinavatyja. Akramia hetaha, Alaksandr Łastoŭski daŭ žurnalistam aryhinalnuju paradu:
«Infarmacyju nie abaviazkova atrymlivać tam, dzie adbyvajucca padziei».Hladzicie na videa:
Uvohule, kamunikavać z pres-aficerami — sapraŭdnaja asałoda. Pahladzicie tolki, jak Alaksand Łastoŭski razmaŭlaje z kabietaj-apazicyjanierkaj. Zrešty, ad adkazu na sklizkaje pytańnie pra ludziej u štackim jon uchiliŭsia. A voś jaho kalehi ŭ cyvilnym byli zusim nie takimi dalikatnymi:
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary