У аўторак прадстаўнікі Банка Літвы на пасяджэнні Трохбаковай рады прадставілі прагноз адносна таго, якім можа стаць мінімальны штомесячны заробак у 2026 годзе. Згодна з разлікамі банка, калі будзе выконвацца раней узгодненая формула, мінімальны заробак можа павялічыцца на 15,4 % і дасягнуць 1198 еўра да выліку падаткаў, або 896 еўра «чыстымі», паведамляе LRT.
«Мы робім розныя сцэнары павышэння мінімальнага заробку», — заявіла прадстаўніца Банка Літвы Саўле Скрыпкаўскене на пасяджэнні рады.
У выпадку, калі мэтай разліку заробку з'яўляецца дасягненне суадносін 45 % паміж MMA і сярэднім заробкам (VDU), то, па падліках Банка Літвы, «мінімалка» можа вырасці на 3,9 % (на 40,2 еўра) — да 1078 еўра (806 еўра «чыстымі»).
Калі мэтай стане суадносіны 47,5 %, то рост складзе 9,7 % (на 101,1 еўра) — да 1138 еўра (851 еўра «чыстымі»).
Аднак калі прытрымлівацца першапачатковай формулы, узгодненай у Трохбаковай радзе, згодна з якой мінімальная зарплата павінна складаць 50 % ад сярэдняга заробку, то ў наступным годзе мінімальная зарплата павінна вырасці на 15,4 %, або на 160 еўра, дасягнуўшы 1198 еўра да падаткаў.
З 2025 года мінімальная зарплата ў Літве складае 1038 еўра да падаткаў (альбо 777 еўра «на рукі»).
У Беларусі ў 2025 годзе мінімальны заробак складае 726 рублёў «бруднымі», калі браць сённяшні курс еўра, то гэта 208 еўра.
Цяпер чытаюць
Славацкі палітолаг, былы кіраўнік амерыканскага фонда PACT лабіруе збліжэнне з Лукашэнкам3
Каментары