Pra vyzvaleńnie aktyvista Abjadnanaj hramadzianskaj partyi Andrusia Asmałoŭskaha paviedamili ŭ sacsietkach jahonyja siabry. Jon całkam adbyŭ uvieś prysudžanyja jamu trochhadovy termin.
Andrusia Asmałoŭskaha zatrymali 29 lipienia 2022 hoda, kali pravodzili metanakiravanyja represii suprać siabroŭ Abjadnanaj hramadzianskaj partyi. Na jaho, jak i na inšych zatrymanych tady, zaviali kryminalnuju spravu pa «narodnym» 342-m artykule (aktyŭny udzieł u hrupavych dziejańniach, jakija hruba parušajuć hramadski paradak).
U kastryčniku 2022 hoda Asmałoŭskamu prysudzili try hady pazbaŭleńnia voli va ŭmovach ahulnaha režymu.
Akramia jaho, tady za kratami apynulisia lidar AHP Mikałaj Kazłoŭ, staršynia Minskaj haradskoj arhanizacyi Aksana Alaksiejeva, siabry partyi Antanina Kavalova i Artur Smalakoŭ i inšyja. Była aryštavanaja i asudžanaja taksama hramadzianskaja žonka Andrusia Asmałoŭskaha Dzijana Čarnušyna, jakaja vyzvaliłasia hod tamu.
Andruś maje dvuch synoŭ, pa adukacyi — inžynier-budaŭnik. Pracavaŭ pa śpiecyjalnaści, zajmajučysia architekturnym prajektavańniem jak indyvidualny pradprymalnik.
U 2019 hodzie Asmałoŭski vyłučaŭsia ad AHP u deputaty Pałaty pradstaŭnikoŭ Nacyjanalnaha schodu siomaha sklikańnia — ad Kołasaŭskaj akruhi №106, aficyjna prajhraŭšy pieršamu prarektaru BDUIR Siarhieju Dziku.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary