Minski restaran ź bieźlimitnaj ježaj adkryŭsia paśla pierapynku
Na dniach u Minsku adkryŭsia novy restaran azijackaj kuchni ź niezvyčajnaj kancepcyjaj. Płacić treba nie za stravy, a za čas — bieźlimit ježy dastupny na praciahu dźviuch hadzin.
Jašče da aficyjnaha adkryćcia ab ustanovie aktyŭna raspaviadali žurnalisty i błohiery. U vyniku ŭ pieršy dzień pracy ježu chutka raźmiali, a kala restarana vystraiłasia vializnaja čarha. Paźniej uładalniki abviaścili, što biaruć nievialikuju paŭzu i znoŭ pačnuć pracavać 20 traŭnia. Žurnalisty pravieryli, jak iduć spravy siońnia.
Restaran Umi znachodzicca na trecim paviersie HC «Červieński». Pakul fud-kort nie toje kab aktyŭna zapoŭnieny, tak što adkryćcio novaha miesca było čakanym. Tym bolš kali havorka idzie pra bieźlimit azijackaj ježy.
— Umi — heta restaran azijackaj kuchni. Što ŭ nas vy płacicie za čas, a nie za stravy. Z 11:00 da 16:00 uvachod kaštuje 35 rubloŭ, i vy možacie jeści kolki zaŭhodna na praciahu dźviuch hadzin. Z 16:00 da 22:00 praviły tyja ž, tolki vam dajecca try hadziny, a košt padymajecca da 49 rubloŭ. U Biełarusi, nakolki my viedajem, takoj sistemy niama jašče ni ŭ kaho, — raskazvaŭ kiraŭnik Arciom.
16 maja była vialikaja čarha, i ježu chutka raźmiali.
Paśla takoha haračaha va ŭsich adnosinach startu ŭładalniki restarana abviaściŭ ab nievialikim pierapynku i paabiacali znoŭ adkrycca 20 maja.
Skazana — zroblena, siońnia Umi znoŭ u strai.
— Ciapier u restaranie amal poŭnaja pasadka, Na ŭvachodzie staić nievialikaja čarha. U marmitach ježa pakul jość, piersanał nibyta spraŭlajecca, prybirajuć chutka. Na kuchni staić vielmi šmat vokaŭ. Moj padrychtavali za 30 chvilin, što pry takoj kolkaści ludziej u pryncypie akiej, — raspaviali žurnalistu Onliner.
Pry hetym nievialikaja čarha na ŭvachodzie taksama zaŭvažanaja. Mahčyma, usiamu vinoj abiedzienny čas.
U instahramie ŭstanovy taksama raskazali pra źmieny ŭ farmacie pracy. Na čas pracy ŭ testavym režymie abmiažujuć kolkaść haściej da 1000 naviedvańniaŭ u dzień. A z 1 červienia źjavicca mahčymaść anłajn-braniravańnia stolikaŭ.
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ10
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary
[Zredahavana]