На днях у Мінску адкрыўся новы рэстаран азіяцкай кухні з незвычайнай канцэпцыяй. Плаціць трэба не за стравы, а за час — безліміт ежы даступны на працягу дзвюх гадзін.
Яшчэ да афіцыйнага адкрыцця аб установе актыўна распавядалі журналісты і блогеры. У выніку ў першы дзень працы ежу хутка размялі, а каля рэстарана выстраілася вялізная чарга. Пазней уладальнікі абвясцілі, што бяруць невялікую паўзу і зноў пачнуць працаваць 20 траўня. Журналісты праверылі, як ідуць справы сёння.
Рэстаран Umi знаходзіцца на трэцім паверсе ГЦ «Чэрвеньскі». Пакуль фуд-корт не тое каб актыўна запоўнены, так што адкрыццё новага месца было чаканым. Тым больш калі гаворка ідзе пра безліміт азіяцкай ежы.
— Umi — гэта рэстаран азіяцкай кухні. Што ў нас вы плаціце за час, а не за стравы. З 11:00 да 16:00 уваход каштуе 35 рублёў, і вы можаце есці колькі заўгодна на працягу дзвюх гадзін. З 16:00 да 22:00 правілы тыя ж, толькі вам даецца тры гадзіны, а кошт падымаецца да 49 рублёў. У Беларусі, наколькі мы ведаем, такой сістэмы няма яшчэ ні ў каго, — расказваў кіраўнік Арцём.
16 мая была вялікая чарга, і ежу хутка размялі.
Пасля такога гарачага ва ўсіх адносінах старту ўладальнікі рэстарана абвясціў аб невялікім перапынку і паабяцалі зноў адкрыцца 20 мая.
Сказана — зроблена, сёння Umi зноў у страі.
— Цяпер у рэстаране амаль поўная пасадка, На ўваходзе стаіць невялікая чарга. У мармітах ежа пакуль ёсць, персанал нібыта спраўляецца, прыбіраюць хутка. На кухні стаіць вельмі шмат вокаў. Мой падрыхтавалі за 30 хвілін, што пры такой колькасці людзей у прынцыпе акей, — распавялі журналісту Onliner.
Пры гэтым невялікая чарга на ўваходзе таксама заўважаная. Магчыма, усяму віной абедзенны час.
У інстаграме ўстановы таксама расказалі пра змены ў фармаце працы. На час працы ў тэставым рэжыме абмяжуюць колькасць гасцей да 1000 наведванняў у дзень. А з 1 чэрвеня з'явіцца магчымасць анлайн-браніравання столікаў.
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец104
Каментары
[Зрэдагавана]